Boka Wɔ Bible Asuafoɛ Ma Bɛ Bɔbɔ Besua Nikye

Bɔ ɔkɔyɛ na Bible asuafoɛ ahora ayɛ se wɔ honhom nu, na banya ngɔsoɛ ne, odikyɛ Bible asuafoɛ ne bɔbɔ sua nahorɛ nanwo nikye bɛkɔ sĩɛ. (Mat 5:3; Heb 5:12–6:2) Odikyɛ benwu kyɛbɔ bɛ bɔbɔ bekosua nikye ɔ.

Ahyɛaseɛ pɛɛ ne, kyire wɔ Bible asuafoɛ kyɛbɔ bekosiesie bɛnwo bɛkɔma bɛ Bible adesua ne, na hyɛ bɛ ngunaen ma bɛyɛ sɔ. (mwb18.03 6) Hyɛ bɛ ngunaen kyɛ, sɛ bɛyɛ bɛ kokoanu adesua biala a, bɛfa mbaeɛ bɛhyɛ yebo. Boka bɛ ma bɛhora bɛfa abɛɛfo ngaen so besua nikye. Kyire bɛ kyɛbɔ bekonya nningyein bɔ wawa foforɛ bɔ ɔwɔ jw.org ne JW Broadcasting^® so ne bie ɔ. Kyire bɛ maa benwu kyɛbɔ bɛkɔ kenga Bible daa, bekosiesie bɛnwo kɔma asafo nhyiamu ahoroɛ, ɔne kyɛbɔ bɛkɔyɛ nhwehwemuɛ bɛkɔpena bɛ nzɛmmisa ahoroɛ nwo mmuaeɛ ɔ. Boka bɛ ma benwu kyɛbɔ bɛkɔdwenedwene bɔ besua nanwo.

NEA VIDIO NWO YƐKYERƐ BƆ YEƐ OLE, BOKA WƆ BIBLE ASUAFOƐ MA BƐ BƆBƆ BESUA NIKYE, NA YE NZƐMMISA BƆ OLILI SO HEMƆ NOA:

• 

  Sɛɛ yeɛ Neeta bokale Jade maa owuni kyɛ sɛ osua nikyee a, ɔtte mmuaeɛ ngome yeɛ odikyɛ ɔfa ye adwene sie so ɔ?

• 

  Nzu yeɛ ɔbokale Jade maa oole tole nu kyɛ, nyanza wɔ nu kyɛ Yehowa abra nnaa nu brasɛkyelɛ ɔ?

• 

  Nzu yeɛ Jade oonwu fale kyɛbɔ bɛdwenedwene nikyee nwo nanwo ɔ?