Dé Yehowa Mmokalɛ To Nu Nate Mbaeɛ So

Yehowa yeɛ ɔmaa aba bɔ yegua ne nyi ná odé ndinn wɔ ebie ahõne nu ɔ. (1Ko 3:6-9) Yeti sɛ yɛ sõen adwuma ne kɔhɔ yé a, odikyɛ yɛfa yɛnwo yɛto Yehowa so maa ɔboka yɛne yɛ Bible asuafoɛ ne.

Srɛ Yehowa ma ɔboka wɔ Bible asuafoɛ ma bɛhora begyina nhyɛsoɛ ne ɔhaw ahoroɛ noa. (Flp 1:9, 10) Kã nikyee pɔtẽe nwo dwirɛ. Bɔ mbaeɛ srɛ honhom krongron ma ɔbɔ wɔ nneyɛe ne wɔ nzusueɛ nwo waen. (Luk 11:13) Kyire wɔ Bible asuafoɛ kyɛbɔ bɛbɔ mbaeɛ, na hyɛ bɛ ngunaen ma bɛyɛ sɔ. Ɛne wɔ Bible asuafoɛ ne bonu bɔ mbaeɛ, na bɔ bɛ dumaa wɔ mbaeɛ nanu.

NEA VIDIO NWO YƐKYERƐ BƆ YEƐ OLE NYA ASUAFOƐYƐLƐ ANIGYE NE BIE​—DÉ YEHOWA MMOKALƐ TO NU​—MBAEƐ, NA YE NZƐMMISA BƆ OLILI SO HEMƆ NOA:

• Ɔhaw beni yeɛ Neeta yiale mmerɛ bɔ né ɔne Jade besua nikyee ne?

• Sɛɛ yeɛ 1 Korintofoɛ 3:6 ne bokale Neeta ɔ?

• Sɛɛ yeɛ Neeta lili ye haw nanwo dwumaa ɔ?