MÁ WƆNYE HŨ ASƐNGA NWO | NYA ASƐNGA NU ANIGYE NE BIE
Dé Wɔ Mangõ Adwumayɛfoɛ Mmokalɛ To Nu
Yehowa nate yeliɛmamɔ mmrienzua ne mmrasua “bɔ bɛwɔ ewiase mukoraati” naso boka yɛ. (1Pe 5:9) Bɛkɔhora bɛkɔboka yɛ maa yekoli ɔhaw ahoroɛ bɔ yeyia wɔ asɛnga nu naso. Kyɛ nneasoɛ ne, somafoɛ Paul nyane mmokalɛ fili Akwila ne Prisila, Silas, Timoteo, ɔne afoforɛ berɛ.—Aso 18:1-5.
Sɛɛ yeɛ wɔ mangõ adwumayɛfoɛ kɔhora kɔboka wɔ wɔ́ asɛnga nu ɔ? Bɛkɔhora bɛkɔma wɔ nyanzahyɛ wɔ kyɛbɔ ekoli bɛbɔ bɛfa edwirɛ bɛpɛ ngɔmmɔbɔ so ne adanzeɛ, ɔne kyɛbɔ ɛkɔyɛ sakɔnea, anaa Bible adesua ɔ. Asafo bɔ ɛwɔ nu ne, pena ebie bɔ ɔkɔhora kɔboka wɔ atẽe bɔ ɔte sɔ naso má ɔboka wɔ. Sɛ ɛyɛ sɔ a, aporowaa biala nne yenwo kyɛ, ɛmɔ nu biala nye kɔgye paa.—Flp 1:25.
NEA VIDIO NWO YƐKYERƐ BƆ YEƐ OLE NYA ASUAFOƐYƐLƐ ANIGYE NE BIE—DÉ YEHOWA MMOKALƐ TO NU—YELIƐMAMƆ, NA YE NZƐMMISA BƆ OLILI SO HEMƆ NOA:
Sɛɛ yeɛ Neeta hyɛle Jade ngunaen maa ɔhɔle asafo nhyiamu ɔ?
Nzuati yeɛ odikyɛ yɛmaa dawurubɔniɛ bie boka yɛso mmerɛ bɔ yɛkwaayɛ Bible adesua ne?
Asafo ne mukoraati yeɛ bɛboka maa ebie bayɛ suaniɛ ɔ
Nzu yeɛ né Jade ne Abigay mukoraati nye gye yenwo ɔ?
Nzu yeɛ ɛkɔhora kosua kofi wɔ mangõ dwumayɛniɛ bie berɛ wɔ asɛnga nu ɔ?