Aso Etie Bible Kengalɛ Bɔ Bayɛe Odio Ne?

Nzu yeɛ ole Bible kengalɛ bɔ bayɛe odio ne? Yeɛ ole Ewiase Foforɛ Ngyerɛaseɛ Bible nanu dwirɛ bɔ yɛbɔ yetie ne. Begu so bɔ bɛyɛe ngakãngakã wɔ edwudwolɛ ahoroɛ pẽe nu ɔ. Nikyee kõ bɔ ɔyɛ anikã wɔ yenwo yeɛ ole kyɛ, bɛsesã komviɛ bɔ bɛfa bɛkenga nanu. Yeti sɛ etie a, ɛkɔhã kyɛ bɛbɔ bɛnwo dwirɛ wɔ Bible nanu nala yeɛ bedwudwo ɔ. Bato bɛboase bakenga maa enu ala berɛ, yeti sɛ etie a, ɛte yebo, na ɔkã ahõne koso.

Sɛɛ yeɛ Bible kengalɛ bɔ bayɛe odio ne aboka mmenia ɔ? Mmeni pẽe kã kyɛ, sɛ betie a, bɛte ngã kyɛ edwirɛ ne sili ne, né bɛwɔ berɛ bie. Ɔnate kyɛ bɛsesã komviɛ bɔ bɛfa bɛkenga nanu nati, sɛ etie a, ɔmaa ɛkora pɛ yenwo mvonini wɔ w’adwene nu, na ɛhẽne maa ɛte edwirɛ nabo yé paa. (Any 4:5) Ebiemɔ koso kã kyɛ, sɛ betie a, ɔmaa b’adwenedwene so te.—Edw 94:19.

Sɛ yetie Bible kengalɛ bɔ bayɛe odio ne a, ɔkora kã yɛ maa yɛyɛ nzakrayɛɛ wɔ yɛ abrabɔ nu. (2Abe 34:19-21) Yeti sɛ ebie wɔ edwudwolɛ bɔ ɛte yebo yé nu a, yede ɛkɔhora kɔfa kɔboka nhyehyɛeɛ bɔ ɛfa sũa nikye naso.

NEA VIDIO BƆ YEƐ OLE, ATẼE BƆ BƐFA SO BƐYƐ BIBLE KENGALƐ BƆ BAYƐE ODIO NE—YE BUE BIE, NA YE NZƐMMISA HE NOA:

Nzu yeɛ wɔnye gyele yenwo wɔ kyɛbɔ bɛyɛ Bible kengalɛ bɔ bayɛe odio nanwo ɔ?