Kã Bɔ Asua Ne Bie Kyire Mmenia

Sɛ yesua nikyee a, ɔboka yɛ. Nakoso sɛ yɛkã bɔ yasua nanwo dwirɛ yekyire mmenia a, ɔmaa y’ahone tɔ yɛkunu paa. Anyandera 11:25 kã kyɛ: “Sona bɔ ɔboka ebiemɔ maa bɛnwo tɔ bɛ ne, ye koso yenwo kɔtɔ ye,” NWT.

Sɛ yɛkã bɔ yasua ne bie yekyire mmenia a, ɔboka yɛ maa yɛkae ye ndɛ, na yesa koso yɛte yebo yé. Afei koso ɔnate kyɛ yɛse kyɛ ɔkɔboka bɛ nati, ɔmaa yɛnye gye yenwo kyɛ yɛkɔhã bie yekohyire bɛ.—Aso. 20:35.

Sɔ ɛhe nea: Dapɛen bɔ ɔba ne, pena atee bɔ ɛkɔfa so kɔhã bɔ asua ne bie kohyire ebie ɔ. Ɛkɔhora kɔhã bie kohyire w’abusuaniɛ, ebie bɔ ɛne ye wɔ asafo nu, ebie bɔ ɛne ye kɔ sukuu, ebie bɔ ɛne ye te mandanu, anaa ebie bɔ ɛkɔɔto ye wɔ asɛnga nu ɔ. Bɔ mmɔden kyɛ ɛkɔfa ndeaseɛ bɔ anya ye ne kohyirehyire nu tikaape, na ma nu la berɛ.

Kae ɛhe: Nna kyɛ ɛpena kyɛ mmenia hoahoa wɔ nati yeɛ ɔmaa ɛyɛ sɔ ɔ, na mmom ɛfa hyɛ bɛ ngunaen.—1 Kor. 8:1.