Nwa Yeɛ Ɛkɔhora Kole Ye Koli Ɔ?—Nea Bɔ Bible ne Ka Ɔ

Sɛ ede ebie di, na sɛ odi wɔ huamɔ a, ɔmaa wɔsa si ase. Ɛnnɛ, bɛbɔ mmeni pee nne bɛ nni ne bie yeɛ ole:

• Amanyɔfoɛ bɔ bɛndwene maen nanwo, na bɔ bekonya ye ne ngome yeɛ ohia bɛ ne.

• TV ne Radio stations bɔ bɛka edwirɛ bie a, bɛnga nahorɛ bɔ ɔwɔ nu ne, ná bɔ ɔyɛ bɛ fɛ ngome yeɛ bɛka ne.

• Nyanzahufoɛ bɔ bɛnyɛ nningyein bɔ ɔkɔboka mmenia ne.

• Nyamesom mbanyi bɔ bɛnyɛ Nyameɛ adwuma, ná bafa bɛnwo bawura amayɔnzɛm nu ne.

Sɛ ebie ka kyɛ onne ebie nni a, ndeaseɛ wɔ nu, ofikyɛ Bible ne ka kyɛ:

• “Nnɛma ɛmɔfa ɛmɔ wora bewura ahemvo mɔ nu; dasaniɛ biala nne berɛ bɔ ɔkɔhora kole ɛmɔ ɔ.”—Edwein 146:3, Good News Translation, Brɔfo Bible ne.

Sona Bɔ Ɛkɔhora Kole Ye Koli Ɔ

 Bible ne maa yenwu ebie bɔ yɛkɔhora yɛkole ye yɛkoli, yeɛ ole Yesu Kristo. Ɔtte sona pá bie mbaen bɔ ɔtenane ase ɔ. Nyameɛ aye Yesu kyɛ oli “hene . . . , na ye ahennie ne olle ayieleɛ.” (Luka 1:32, 33) Yesu yeɛ ɔte Nyameɛ Ahennie naso hene, na sɔ Ahennie ne te awaen bɔ odi tumi wɔ anwuro.—Mateo 6:10.

• Sɛ ɛpenakyɛ enwu bɔ yeti yeɛ ɛkɔhora kole Yesu koli a, kenga edwirɛ hemɔ: “Hena Ne Onyankopɔn Ahenni No So Hene?” ɔne “Dɛn na Onyankopɔn Ahenni Bɛyɛ?”