Agbiango ye na yâ ti bungbi ti mercredi wala ti jeudi
Ti to nda ni na yenga ti lango 3 ti septembre, Mandango Bible ti Congrégation ayeke duti penze-ngbonga 25 mbeni pëpe me 30. Na yâ ti akozo tënë ti ita so amû li ni, a yeke nzoni lo mû penze-ngbonga oko ti dabe ti azo ni na ndo ti ye so a manda na yenga so ahon. Ngoi ti Bungbi ti Kusala nga kue achangé. A yeke duti penze-ngbonga 35 mbeni pëpe me 30. A yeke wara mbage so a zia nde ndali ti atokua mbeni pëpe. Me a yeke nzoni a sara atokua na yâ ti kozo mbage ti Bungbi ti Kusala ni. Mingi ni, atokua so a lingbi a fa ni ayeke mingi pëpe wala ayeke même dä pëpe, nga a yeke na bezoin pëpe ti fa na congrégation aye so a yeke sara tënë na ndo ni na yâ ti Bungbi ti Kusala ni. Atokua so andu kapa ti fango tënë na ti lekengo yâ ti da ti Royaume legeoko na atokua ti bara, a lingbi a sara ni pëpe (km 08/10 l. 1, par. 4). Tongana a yeke fa mbeni tokua so ayeke mû ngoi mingi, a yeke nzoni azo so ayeke mû mbage na Bungbi ti Kusala ni ahinga ni kozoni tongaso si ala sara apenze-ngbonga ti ala ni kue pëpe.