Fini kapa ti bungbi ti kongregation
1, 2. Agbiango ye wa so andu abungbi ayeke duti dä na tongo nda ti nze ti janvier 2009?
1 Na yenga ti 21-27 avril 2008, aita ti ndo ti sese kue amä lani mbeni pendere tokua. “Ti to nda ni na 1 janvier 2009, a yeke sara ande Mandango Buku ti Kongregation na oko ngoi na Ekole ti kusala ti aChrétien nga na Bungbi ti Kusala. Iri ti Mandango Buku ti Kongregation ayeke gbian ande ti ga Mandango Bible ti Kongregation.”
2 Kapa ti bungbi so teti yenga oko oko: Ngoi ti bungbi so kue (nga abia na asambela) ayeke duti ngbonga 1 na penze ni 45. Fade bungbi ni ato nda ni na bia nga na sambela (pn. 5), na pekoni Mandango Bible ti Kongregation (pn. 25). Na pekoni a yeke duti Ekole ti Kusala ti aChrétien (pn. 30). Tongana a hunzi awe, fade a he bia (pn. 5) ti to nda ti Bungbi ti Kusala (pn. 35). Bungbi ni ayeke hunzi na bia nga na sambela (pn. 5). Ti mû maboko na ala ti leke tere teti abungbi so, fade a yeke zia nze na nze na yâ ti Kusala ti Royaume kapa ti Mandango Bible ti Kongregation, ti Ekole ti Kusala ti aChrétien na ti Bungbi ti Kusala.
3. Tongana nyen a yeke sara ande Mandango Bible ti Kongregation?
3 Mandango Bible ti Kongregation: Fade a sara bungbi so tongana ti Tour ti Ba Ndo. A hunda pëpe ti to nda ni na dango bê na atënë so a manda na yenga so ahon. Ahon so, a lingbi bungbi ni ato nda ni gi na mbeni nduru tënë. Fade ye so amû lege na azo kue so aga ti mû anduru kiringo tënë. Fade surveillant-président abâ si a-ancien amû li ni na peko ti tere ti sara bungbi so yenga oko oko.
4. Nyen la ayeke changé ande na yâ ti Bungbi ti Kusala?
4 Bungbi ti Kusala: Bungbi ti Kusala ayeke changé pëpe me a kangbi yâ ni nduru nduru. Mingi ni, atokua ayeke duti ande gi teti penze-ngbonga oku. Ngoi so alingbi ande ti sara gi na akota tokua nga ti diko na ambeni mbeti so filiale atokua. Atokua tongana ti kapa ti bungbi ti fango tënë, lekengo yâ ti da, tënë ti acompte, na ambeni ambeti so alondo ka na filiale, a yeke na bezoin ti diko ni na estrade pëpe, me fade a zia ni na tableau si aita adiko ni. A yeke nzoni azo so a mû na ala ambage ti kapa ni ti sara aleke tere ti ala nzoni na ala mû gi peko ti aye so a fa nga ala ngbâ gi na yâ ti ngoi so a mû ndali ni.
5. Na yenga so surveillant ti circonscription aga, fade kapa ti bungbi ti kongregation ayeke tambela tongana nyen?
5 Tongana surveillant ti circonscription aga: Kapa ti yenga ti surveillant ti circonscription ayeke changé pëpe. Na mardi, fade a yeke sara Ekole ti Kusala ti aChrétien na Bungbi ti Kusala na peko ti bia. Na pekoni, fade surveillant ti circonscription amû diskur ti penze ngbonga 30. Tongana ti so a yeke sara na dembe so na yenga ti gango ti lo, fade a yeke soro mbeni lakui nde ndali ti mandango Bible ti kongregation; na pekoni fade a he bia na surveillant asara diskur ti kusala ti lo. Fade bungbi ni ahunzi na bia nga na sambela.
6. Kusala ti surveillant ti groupe ayeke nyen?
6 Bungbi ti fango tënë: Fade bungbi ti a-ancien ayeke mû na asurveillant ti groupe kusala ti bâ lege ti fango tënë na yâ ti agroupe na ti mû maboko na azo so ayeke na yâ ti agroupe ni. Tongana a yeke na bezoin ti mbeni serviteur ti mungo maboko ti sara kusala so, fade a iri lo “serviteur ti groupe”.
7. Ye wa e lingbi ti ku na lege ti fini kapa ti abungbi ti kongregation?
7 Tongana ti so a fa ge, e yeke wara ande anzoni fango ye na anzoni wango ti kpengba e na lege ti yingo na abungbi ti lakui. Fade ye so amû lege na e ti duti anzoni wafango tënë na anzoni wafango ye, so a leke ala ti sara mbeni kusala so alë mingi.—aÉph. 4:13, 14; 2 Tim. 3:17.
8. Tongana nyen lekengo tere ti e mveni kozoni ayeke ga na ye ti nzoni na e nga na ambeni zo?
8 Ti manda ye kozo ti gue na abungbi so ayeke mû lege na e ti bâ polele akota tënë so a yeke fa na ngoi ti bungbi ni oko na oko. Fade e kue e wara lege ti kiri tënë, na tongaso e wa tere na popo ti e nzoni (aRom. 1:11, 12; aHéb. 10:24). Ye so e ye ayeke ti sara si ‘azo kue alingbi bâ lege so e yeke kpengba’ na ti ‘fa nda ti tene-biani na lege ni.’—1 Tim. 4:15; 2 Tim. 2:15.
9. Nyen la e leke na bê ti e ti sara? na nganga ti nyen?
9 E yeke na ngia teti kota gbiango ye so a sara teti abungbi ti kongregation. Zia e kue e duti nduru ti mû peko ti fango lege ti “ngbâa be-ta-zo na ti ndara” na ti duti nduru na Kota Berger ti e so ayeke leke e teti “kota ye ti vundu” so ayeke nduru ti si.—Mat. 24:21, 45; aHéb. 13:20, 21; Apoc. 7:14.