Atënë so i hunda

◼ Tongana nyen a lingbi a zi yanga ti bungbi ti Ekole ti Kusala ti aChrétien, Bungbi ti Kusala, Kota diskur nga na Tour ti Ba Ndo na lege ti bia so a fa ndali ni? Zo wa si ayeke sara ni?

E yeke wara abia so a leke teti yenga oko oko ndali ti Ekole ti Kusala ti aChrétien na yâ ti supplément ti Kusala ti Royaume ti octobre so na yâ ni a zia Mbeti-kapa ni. Abia so azi yanga ti Bungbi ti Kusala yenga oko oko na so ako nda ni ayeke na lembeti 2 ti Kusala ti Royaume. E yeke wara nga abia so a leke ndali ti mandango Tour ti Ba Ndo yenga na yenga na lembeti 2 ti Tour ti Ba Ndo ni. Abia so a fa ague oko na bungbi so a yeke sara na pekoni, na tongaso a lingbi a duti ita so amû li ni si afa ni, me pëpe lo so amû li ti kozo bungbi ni.

Na tapande, surveillant ti Ekole ayeke yamba azo kue so aga, lo yeke fa bia so azi yanga ti bungbi ni, lo mû li ti ekole ni, na pekoni lo yeke iri na pupitre lo so ayeke mû tënë kozo na Bungbi ti Kusala. A yeke ita ni so si ayeke fa bia so a yeke he ni na tongo nda ti Bungbi ti Kusala ni.

Legeoko nga, a yeke lo so amû li ni na bungbi so a yeke sara Kota diskur (wala président ni) si ayeke zi li ni. Fade lo yeke tene nzoni gango na azo kue na lo yeke tisa ala ti he bia so wamungo diskur ni asoro. Fade lo yeke zi yanga ti bungbi ni na sambela, wala a lingbi nga peut-être ti soro kozoni mbeni ita-koli so ayeke na nzoni tapande ti sara ni. Président ni ayeke fa li ti tënë ti diskur ni na lo yeke iri lo so ayeke mû ni. Na peko ti diskur ni, président ni ayeke kiri na ndo akota tënë ti diskur ni pëpe, me lo yeke sara nduru tënë ti kiri singila ndali ti ye so ala londo ti mä. Lo yeke fa kota li ti diskur ti yenga ti peko, na pekoni lo hunda azo kue ti ngbâ ndali ti mandango Tour ti Ba Ndo. A hunda pëpe na lo ti tene na kongregation ti tokua bara ti ala na kongregation ti ita so aga amû diskur. Na nda ni, lo yeke iri lo so ayeke mû li ni na Tour ti Ba Ndo ti mû place.

Ita so ayeke mû li ni na Tour ti Ba Ndo ayeke fa bia so a yeke he kozoni na mandango ye ni. Lo yeke sara ni alingbi na awango so a mû na ndo kode ti sarango ni, na pekoni lo yeke fa bia ti nda ni. Na nda ni, lo yeke iri mingi ni ita so amû fade diskur ti hunzi na sambela.

Ti sara ye alingbi na atënë so a fa ge ayeke sara si abungbi ti e kue atambela na ndo kue legeoko.