Ngbanga ti nyen la azo apeut ti duti na siriri na amba ti ala ape? Bible atene nyen na ndö ni?

Akota zo nga na a-organisation so ayeke na yâ ti dunia awara lege ape ti sara si azo aduti na siriri na popo ti ala. Laso, abira ayeke mingi ahon ti so asi lani na Use bira so amû sese kue. Azo nduru na milliard use tongaso, so ti tene un quart ti azo na yâ ti dunia, ayeke vivre na ando so bira ayeke dä.

Ngbanga ti nyen la azo apeut ti ga na siriri ape? Bible atene nyen na ndö ni?

Araison ota so afa so azo apeut ti ga na siriri ape

1. 1. Sarango ye ti azo asara si siriri ayeke na popo ti azo ape. Bible atene kozo awe so na ngoi ti e, ‘azo ayeke duti azo so andoye gï terê ti ala wani, azo so andoye nginza, azo so abâ terê ti ala kota na ndö ti amba ti ala, azo ti baba, . . . azo so ayeke abe-ta-zo pëpe, . . . azo so aye ti mä terê na amba ti ala pëpe, . . . azo so akanga nzara ti bê ti ala pëpe, azo so ayeke asioni zo, . . . azo so li ti ala akpengba, azo so wuma ti ala ahon ndö ni.’​—2 Timothée 3:2-4.

2. 2. Azo, atâa zo oko wala groupe ti azo, ayeke na ngangu ape ti leke akpale ti ala sân aide ti Wasarango e, Jéhovaha Nzapa. Bible afa so “zo so ayeke tambela, a yeke même na lo wani ti fa lege na gere ti lo pëpe.”​—Jérémie 10:23.

3. 3. Dunia so ayeke na gbe ti ngangu ti zo ti sioni, Satan Zabolo, so ‘ayeke handa azo na ndö ti sese kue.’ (Apocalypse 12:9). So “dunia so kue ayeke na gbe ti Zo ti sioni,” asara si bira ayeke lakue dä.​—1 Jean 5:19.

Zo wa la apeut ti ga na siriri?

Bible adë bê ti e so Nzapa la ayeke ga ande na siriri, me azo ape.

• “Jéhovah atene: ‘Mbi hinga mbilimbili ye so mbi pensé ti sara ndali ti ala, mbi pensé ti mû na ala siriri, me ye ti vundu pëpe, ti mû na ala mbeni nzoni gigi ti kekereke nga na beku.’”​—Jérémie 29:11.

Tongana nyen la zendo ti Nzapa so ayeke ga ande tâ tënë? ‘Nzapa, lo so ayeke mû siriri, ayeke neka ande Satan.’ (aRomain 16:20). Tongana ti so Bible afa, Nzapa ayeke sara ande kua na mbeni gouvernement so ayeke na yayu, so ti tene “Royaume ti Nzapa,” ti ga na siriri na yâ ti dunia kue (Luc 4:43). Na ngoi so Gbia ti Royaume ni, Jésus Christ, ayeke komande dunia kue, a yeke fa ande na azo tongana nyen ti duti na siriri.​—Ésaïe 9:6, 7.

• Ti hinga ye mingi na ndö ni, diko article “Nyen la Royaume ti Nzapa ayeke ga ande ti sara?”