BIBLIOTHÈQUE NA NDÖ TI INTERNET Watchtower
Watchtower
BIBLIOTHÈQUE NA NDÖ TI INTERNET
Sango
  • BIBLE
  • AMBETI
  • ABUNGBI
  • wt chap. 3 l. 23-31
  • Gbu Tënë ti Nzapa ngangu

Vidéo ayeke na yâ ti mbage ni so ape.

Pardon, mbeni kpale asi na ngoi ti zingo vidéo ni.

  • Gbu Tënë ti Nzapa ngangu
  • Voro oko tâ Nzapa
  • Akete li ti tënë ni
  • Ambeni mbeti nde na ndö ti oko tënë ni
  • Mû maboko na ambeni zo ti bâ Bible na nene ni
  • Tongana e yeke diko Bible
  • Ye so e ye ti si dä
  • Dikongo Bible: Aga na Ye ti Nzoni na Anzere
    Tour ti Ba Ndo Afa Tene ti Royaume ti Jéhovah: 2000
  • Sala ngangu kue ti diko mbeti
    Ekole ti Kusala ti aChrétien
  • Wara ngia na yâ Tënë ti Nzapa
    Ekole ti Kusala ti aChrétien
  • Wara ye ti nzoni mingi na lege ti dikongo Bible
    Ngbâ na fini lakue lakue!—Mandango Bible
Bâ ambeni ye ni
Voro oko tâ Nzapa
wt chap. 3 l. 23-31

Chapitre Ota

Gbu Tënë ti Nzapa ngangu

1. (a) Tongana nyen Israël ti giriri abâ so atënë ti Jéhovah kue ayeke tâ tënë? (b) A yeke kota ye mingi teti e ngbanga ti nyen?

“I HINGA na bê ti i kue na âme ti i kue, ye oko atï pëpe ti nzoye kue so L’Eternel Nzapa ti i aze na i; ye ni kue aga tâ tënë awe”. (Josué 23:14-16). A yeke tënë so Josué atene na a-ancien ti Israël na pekoni so ala sala kodoro awe na Sese ti Zendo. Biani, a lingbi lani ti zia bê kue na ndo azendo ti Jéhovah. A bata mbaï so, nga na tanga ti Bible kue, ti tene “e lingbi duti na beku.”​—aRomain 15:4.

2. (a) Na lege wa Bible “alondo na yanga ti Nzapa”? (b) Tongana e hinga awe so Bible alondo na Nzapa, kungba wa e yeke na ni?

2 Atâa so a sala lani kusala na azo 40 tongaso ti sû Bible, Jéhovah mveni ayeke Lingu ni. A ye ti tene so lo sala mbeni kusala lo mveni ti fa lege na sungo atënë kue ti yâ ni? Biani. Lo sala ni na lege ti kpengba yingo vulu ti lo, ngangu ti lo so asala kusala. A yeke tâ tënë tongana bazengele Paul atene lani: “Tënë kue ti Mbeti ti Nzapa alondo na yanga ti Nzapa, . . . si zo ti Nzapa alingbi kue, na lo wara ye kue alingbi teti nzo kusala kue.” Na ndo kue, azo so ahinga biani so Bible alondo na Nzapa ayeke dengi mê na ni, na ala leke fini ti ala ti lingbi na ye so ayeke na yâ ni.​—2 Timothée 3:16, 17; 1 aThessalonicien 2:13.

Mû maboko na ambeni zo ti bâ Bible na nene ni

3. Azo mingi ayeda pëpe so Bible ayeke Tënë ti Nzapa. Me lege ti nzoni ahon ti mû maboko na ala ayeke so wa?

3 Tongana e fa so Bible ayeke Tënë ti Nzapa, azo mingi so e yeke sala ka tënë na ala ayeda na ni pëpe. E lingbi ti mû maboko na ala tongana nyen? Mingi ni, nzoni lege ti sala ni ayeke ti zi yâ ti Bible ni, na ti fa na ala tënë ti yâ ni. “Tënë ti Nzapa ayeke na fini, na a yeke na ngangu ti sala ye, a za ahon épée kue ti yanga use, . . . na a fa nda ti bibe na a fa nda ti ye so bê aye.” (aHébreu 4:12). “Tënë ti Nzapa” ayeke pëpe gi mbeni senge tënë ti mbaï; a yeke na fini! Azendo ti Bible ayeke gue gi guengo ti ga tâ tënë. Atënë ti yâ ti Bible ayeke sala ngangu mingi na ndo anzoni bibe so apusu zo ti sala ye. Na ngangu so Bible ayeke sala ahon aye kue so e lingbi ti tene na zo ni.

4. Bango ndo ti ambeni zo na mbage ti Bible ayeke changé ngbanga ti so a fa nda ti atënë wa na ala, na ngbanga ti nyen?

4 Tongana ambeni zo abâ iri ti Nzapa na yâ Bible, ye so apusu ala ti gi nda ti atënë ti yâ ni mingi ahon. Ambeni ayeda nga fadeso ti manda Bible tongana a fa na ala ye so Bible atene na ndo nda ti fini, ngbanga ti nyen Nzapa angbâ ti zia lege na ye ti sioni, nda ti aye so ayeke si, wala beku ti fini ti lakue lakue na ndo sese so aga paradis. Na yâ ti ambeni kodoro, asalango ye ti lege ti vorongo azi lege na ayingo sioni ti sala ngangu na azo. Me tongana a zi Bible na a fa na azo ni ngbanga ti nyen ye ni ayeke si, nga tongana nyen ti sigigi na gbe ti aye so kue, a yeke zingo nzara ti tâ tënë na bê ti ala. Ngbanga ti nyen atënë so andu azo so bê ti ala ayeke mbilimbili? Ngbanga ti so Bible ayeke gi oko buku so amû asango so a lingbi ti zia bê dä na ndo ti akota tënë kue.​—Psaume 119:130.

5. (a) Tongana azo atene so ala mä na bê na Bible pëpe, anda ni alingbi ti duti so wa? (b) E lingbi ti mû maboko na azo tongaso tongana nyen?

5 Me ka tongana azo ni atënë ala mä na bê na Bible pëpe, e yeke sala nyen? A lingbi lisoro ni angbâ gi ge awe? Pëpe, tongana azo ni aye ti gi nda ni, ti gbu li na ndo ni. Peut-être nda ni ayeke so ala bâ Bible tongana mbeni buku ti Chrétienté. Mbaï afa na gigi so salango ye ti Chrétienté ayeke nde na tënë ti yanga ti lo, nga lo mû mbage ti lo na yâ atënë ti poroso. Mbaï afa nga na gigi so Chrétienté ayeke hiri nginza lakue. Aye so kue alingbi ti duti anda ti tënë so ngbanga ni, ambeni zo ayeda na Bible pëpe. E lingbi ti hunda ala ti bâ wala ala pensé tongaso. Bible afâ ngbanga na ndo akusala ti Chrétienté, so akpa ti sese so. Bible afa nga na gigi kangbi so ayeke na popo ti Chrétienté na tâ Lege ti Vorongo ti aChrétien. Tongana e fa aye so kue na ala, a lingbi ti zingo nzara ti ala ti mä tënë.​—Michée 3:11, 12; Matthieu 15:7-9; Jacques 4:4.

6. (a) Ye nyen apusu mo mveni ti yeda so Bible ayeke Tënë ti Nzapa? (b) Mo lingbi ti sala kusala na anda ti tënë wa ti mû maboko na azo ti bâ biani so Bible alondo na Nzapa?

6 Ti ambeni nde, e lingbi ti mû maboko na ala na fango polele afä so amû lege ti yeda so Bible alondo na Nzapa. Ye nyen afa na mo polele so Bible alondo na Jéhovah Nzapa? A yeke ye so Bible mveni atene na ndo lingu ti lo? Wala a yeke ngbanga ti so na yâ ti Bible ayeke wara gbâ ti aprophétie so afa anzene nzene tënë na ndo gigi ti kekereke, aprophétie so alingbi pëpe ti londo na azo ti sese? (2 Pierre 1:20, 21). Peut-être ayeke ngbanga ti so atënë ti yâ ti Bible ague kue legeoko atâa so a yeke azo ndulu na 40 si asû ni, na yâ ti angu 1 600? A yeke ngbanga ti so tâ tënë ti lo na ndo senda-ye ayeke nde na ti atanga ti mbeti ti angoi so? A yeke ngbanga ti so azo so asû ni afa atënë kue na gigi? Wala a yeke ngbanga ti so a bata lo nzoni, atâa so azo asala ngangu mingi ti futi lo? Atâa ye so andu bê ti mo ayeke so wa, mo lingbi ti sala kusala na ni ti mû maboko na ambeni zo.a

Tongana e yeke diko Bible

7, 8. (a) A lingbi e sala nyen na Bible? (b) Nde na dikongo Bible e mveni, a lingbi e sala nyen? (c) Na lege wa mo mveni mo gbu nda ti aye so Jéhovah aleke ti sala?

7 Nde na mungo maboko na ambeni zo ti mä na bê na Bible, a lingbi e mveni e mû ngoi ti diko ni lakue. Mo yeke sala ni? Na popo ti abuku kue so a sigigi na ni, Bible ayeke kota mingi ahon atanga ni kue. Me aye pëpe ti tene so tongana e mveni e yeke diko ni, e yeke pëpe na bezoin ti mbeni ye nde. Mbeti ti Nzapa agboto mê ti e lo tene so a lingbi e duti gi e oko pëpe. A lingbi e pensé pëpe so e lingbi ti hinga ye kue gi na lege ti aye so e gi e mveni. Ti ga aChrétien so azia li ti ala na sese kpô, a yeke nzoni ti manda Bible e mveni, na ti gue na abungbi ti azo ti Nzapa.​—aProverbe 18:1; aHébreu 10:24, 25.

8 Na ndo tënë so, Bible asala na e tënë ti zo ti Ethiopie so ayeke wakua ti letäa, na so ayeke diko lani prophétie ti Isaïe. Mbeni ange afa lege na Philippe, Chrétien so ayeke wafango nzo tënë, ti hunda koli so: “Mo hinga nda ti ye so mo yeke diko?” Zo ti Ethiopie ni akiri tënë na be-ti-molenge: ‘Mbi lingbi hinga tongana nyen, tongana zo afa lege ni na mbi pëpe?’ Lo hunda Philippe ti fa na lo nda ti Mbeti ti Nzapa so. Me Philippe ayeke lani pëpe gi mbeni zo so adiko Bible gi lo oko, so afa bibe ti lo mveni na ndo Mbeti ti Nzapa. Lo duti lani ndulu mingi na bungbi ti Nzapa, so ayeke na ndo sese. Tongaso, lo lingbi lani ti mû maboko na zo ti Ethiopie so ti wara ye ti nzoni na yâ wango-tene so Jéhovah ayeke mû na lege ti bungbi ti lo (Kusala 6:5, 6; 8:5, 26-35). Legeoko nga laso, tongana mbeni zo aduti gi lo oko, lo lingbi lâ oko pëpe ti gbu tâ nda ti aye so Jéhovah aleke ti sala. E kue e yeke na bezoin ti wara maboko so Jéhovah ayeke mû na ndoye na lege ti bungbi ti lo so ayeke na ndo sese.

9. Kapa wa ti dikongo Bible alingbi ti ga na ye ti nzoni na e kue?

9 Ti mû maboko na e ti gbu nda ti Bible, bungbi ti Jéhovah amû na e ambeti mingi so aluti na ndo Bible. Na ndo ni, na yâ ti akongregation ti aTémoin ti Jéhovah na ndo sese kue, a leke mbeni kapa ti dikongo Bible na Ekole ti Kusala ti aChrétien. Tongana e manda Bible e mveni, e yeke wara aye ti nzoni mingi (Psaume 1:1-3; 19:8, 9). Sala ngangu kue ti diko Bible lakue. Atâa tongana mo gbu nda ti atënë ni kue pëpe, angbongboro tënë ni so mo hinga ayeke mû ande maboko na mo mingi. Na tapande, tongana mo diko gi alembeti osio wala oku lâ oko oko, mo lingbi ti hunzi ti diko Bible kue na yâ ti ngu oko tongaso.

10. (a) Mo yeke diko Bible na ngoi wa? (b) A lingbi a zia azo wa na yâ dikongo Bible, na ngbanga ti nyen a lingbi a diko ni lakue?

10 Mo lingbi ti diko Bible na ngoi wa? Tongana lâ oko oko mo zia apenze-ngbonga 10 wala 15 nde ti diko ni, fade mo yeke wara ye ti nzoni dä mingi. Tongana lege akanga na mo, leke kamême ambeni ngoi ti diko ni lakue yenga oko oko, na bata programme ni nzoni. Tongana mo yeke koli wala wali so asala mariage awe, ala use kue alingbi ti diko Bible na mba na kota go. Tongana amolenge so alingbi ti diko mbeti awe ayeke dä, ala lingbi ti diko na kota go na peko ti mba. A lingbi dikongo Bible aduti mbeni kusala so zo asala na yâ fini ti lo kue, gi tongana tengo kobe. Tongana ti so mo hinga, tongana mbeni zo ayeke te kobe nzoni pëpe, lo yeke tï kobela ande. Legeoko nga, na lege ti yingo, a lingbi e kamata lakue “tënë kue so asigigi na yanga ti Nzapa.” Ngbanga ti nyen? Fini ti e na lege ti yingo, nga warango fini ti lakue lakue aluti gi na ndo ni.​—Matthieu 4:4.

Ye so e ye ti si dä

11. A lingbi e gi ti wara nyen tongana e yeke diko Bible?

11 E yeke diko Bible ngbanga ti nyen? A lingbi a duti pëpe gi ti hunzi gbâ ti alembeti. A yeke nzoni e gi ti diko Bible ti hinga Nzapa nzoni ahon, tongaso si e lingbi ti kono ndoye so e yeke na ni na mbage ti lo, na e voro lo na lege so lo yeda na ni (Jean 5:39-42). A lingbi tënë ti bê ti e aduti tongana ti wasungo Bible so atene: “O L’Eternel, fa na mbi lege ti Mo; fa nda ti lege ti Mo na mbi.”​—Psaume 25:4.

12. (a) Ti wara ‘tâ hingango ye’ ayeke kota mingi. Ngbanga ti nyen? Tongana zo ayeke diko Bible ti wara hingango ye so, ngangu wa a lingbi lo sala? (b) Fa akota tënë osio so e lingbi ti sala na kusala nzoni ti gi nda ti aye so e diko na yâ ti Bible (Bâ lembeti 30). (c) Kiri tënë na ahundango tënë ti paragraphe so ti fa nda ti akota tënë so. Diko aversê so a fa atënë ti yâ ni pëpe.

12 Tongana Jéhovah ayeke fa ye na e, a lingbi e gi ti wara ‘tâ hingango ye.’ Tongana e yeke na ni pëpe, e lingbi ti sala ye alingbi tâ na Tënë ti Nzapa tongana nyen? Wala e lingbi ti fa nda ni polele na azo tongana nyen? (aColossien 3:10; 2 Timothée 2:15). Ti wara tâ hingango ye, a lingbi e diko yeke nga na hange. Tongana mbeni mbage ni akpengba mingi, peut-être a lingbi e diko ni fani mingi ti gbu nda ni. E yeke wara nga ye ti nzoni mingi tongana e gbu li na ndo atënë ti yâ ni, tongana e bâ ni na mbeni lege nde. Na lembeti 30, a fa ambeni kpengba lege osio ti gi nda ti ye. A lingbi ti gi nda ti aversê mingi nga nzoni na salango kusala na akota tënë so oko wala mingi. Tongana mo yeke kiri tënë na ahundango tënë ti alembeti so aga na peko, fade mo bâ biani so a yeke tongaso.

(1) Mingi ni, versê so mo yeke diko alingbi ti fa na mo mbeni ye na ndo mara ti zo wa Jéhovah ayeke. Na tapande, na Psaume 139:13, 14, e lingbi ti bâ so Nzapa abi bê ngangu mingi na abebe so ade ti dü ala pëpe: “Mo sala si tele ti mbi atingbi na yâ ti mama ti mbi. Mbi mû merci na Mo, teti lege so Mo sala mbi ayeke ye ti dongo bê na ye ti kpene. Kusala ti Mo ayeke ye ti kpene, na âme ti mbi ahinga ye so biani.” Bâ tongana nyen aye so Jéhovah aleke adö bê biani! Lege so a leke na azo afa na gigi kota ndoye ti lo na mbage ti e.

Na lege ti ye so a tene na Jean 14:9, 10, na ngoi so e yeke diko tongana nyen si Jésus asala lani ye na mbage ti ambeni zo, e yeke bâ biani lege so Jéhovah alingbi fade ti sala ye. Na so na li, e lingbi ti tene nyen na nda ni na ndo Jéhovah teti aye kue so asû pekoni na yâ Luc 5:12, 13 nga na Luc 7:11-15?

(2) Bâ tongana nyen mbaï ni ague oko na kota li ti tënë ti Bible: fango na gigi mbilimbili ti kota yanga-ti-komande ti Jéhovah, salango si iri ti lo aga nzoni-kue na lege ti Royaume so Jésus Christ, Hale ti zendo ni, ayeke na li ni.

Ezéchiel na Daniel agboto lê na ndo kota li ti tënë ti Bible tongana nyen? (Ezéchiel 38:21-23; Daniel 2:44; 4:17; 7:9-14).

Bible afa Jésus polele tongana Hale ti zendo ni tongana nyen? (aGalate 3:16).

Apocalypse afa kota mbage ti tënë ti Royaume tongana nyen? (Apocalypse 11:15; 12:7-10; 17:16-18; 19:11-16; 20:1-3; 21:1-5).

(3) Hunda mo mveni tongana nyen mo lingbi ti sala kusala alingbi na ye so mo yeke diko. Na tapande, a londo na Exode ti si na Deutéronome, e diko tënë ti pitan nga na kpengba-li ti azo ti Israël. E manda so asalango ye tongaso aga na asioni kpale. Tongaso, a lingbi e sala kue ti nzere na Jéhovah na kpengo ti mû sioni tapande ti Israël. “Ye kue so asi na ala aga fä; na a sala tënë ni na mbeti ti wa e so nda ti ngoi so kue asi na e.”​—1 aCorinthien 10:11.

Mbaï na ndo Caïn so afâ Abel afa nyen na e? (Genèse 4:3-12; aHébreu 11:4; 1 Jean 3:10-15; 4:20, 21).

Wango ti Bible so andu aChrétien so ayeke gue ande na yayu andu nga ala so ayeke ngbâ ande teti lakue lakue na ndo sese? (Nombre 15:16; Jean 10:16).

Atâa tongana gere ti e aluti nzoni na yâ kongregation, ngbanga ti nyen a lingbi e gi lakue ti bâ tongana nyen ti dengi mê mingi ahon na wango ti Bible so e hinga awe? (2 aCorinthien 13:5; 1 aThessalonicien 4:1).

(4) Gbu li na ndo lege so mo lingbi ti sala kusala na ye so mo yeke diko ti mû maboko na ambeni zo. Tënë ti seni agbu bê ti azo kue. Tongaso, e lingbi ti diko na ala kete mbage ti ye so Jésus asala lani ti fa na azo akota ye so lo yeke sala ande tongana kpengba Gbia ti Royaume: “Na azo mingi mingi aga na Lo, ala ga na azo so azin na gere ti ala, awaziba, awabuburu, azo so azin na tïtî ala, na ambeni zo mingi; . . . na Lo lungula kobela ti ala.”​—Matthieu 15:30.

Mbaï ti zingongo na kuâ molenge ti Jaïrus ti wali alingbi ti mû maboko na azo wa? (Luc 8:41, 42, 49-56).

13. Tongana e bata programme ti dikongo Bible na ti mandango ye legeoko na bungbi ti Jéhovah, e lingbi ti ku nyen na pekoni?

13 Bâ tongana nyen dikongo Bible ayeke ga na e ye ti nzoni mingi tongana e bi lê na ndo akota tënë osio so a fa na yâ paragraphe so ahon! Ti tâ tënë ni, dikongo Bible ayeke ngangu. Me a lingbi ti mû na e aye ti nzoni na yâ fini ti e kue, teti so e yeke kono, na e kpengba na lege ti yingo tongana e diko ni. Dikongo Bible lakue ayeke gue na e ndulu mingi na Jéhovah, Babâ ti e ti ndoye. A yeke sala nga si e duti ndulu mingi na aita ti e Chrétien. Fade a mû maboko na e ti mä wango so a hunda ti ‘gbu tënë so amû fini’ ngangu.​—aPhilippien 2:16.

[Kete tënë na gbe ni]

a Ti wara ambeni tënë nde so ngbanga ni a lingbi a yekia Bible, bâ brochure Un livre pour tous, so aTémoin ti Jéhovah asigigi na ni.

Lisoro ti dango bê

• Ngbanga ti nyen a sû Bible na a bata ni juska na ngoi ti e?

• E lingbi ti mû maboko na ambeni zo ti bâ Bible na nene ni tongana nyen?

• Ngbanga ti nyen a yeke nzoni ti tene zo adiko Bible lakue? Na salango kusala na akota tënë osio wa e lingbi ti wara ye ti nzoni na lege ti ye so e diko?

[Encadré/Foto na lembeti 30]

TONGANA MO DIKO MBENI VERSÊ TI BIBLE, BÂ

Ye so afa na mo na ndo Jéhovah

Tongana nyen andu kota li ti tënë kue ti Bible

Tongana nyen a lingbi andu fini ti mo mveni

Tongana nyen mo lingbi ti sala na kusala ti mû maboko na ambeni zo

    Ambeti na Sango (1997-2025)
    Sigi
    Linda
    • Sango
    • Kangbi ni na mbeni zo
    • Aye so mo ye
    • Copyright © 2025 Watch Tower Bible and Tract Society of Pennsylvania
    • Lege ti sara kua na ni
    • Ye so a yeke sara na asango so mo mû
    • Paramètres de confidentialité
    • JW.ORG
    • Linda
    Kangbi ni na mbeni zo