Mo lingbi ti ngbâ ti fa tënë kete?

Na ngoi ti fango tënë, ambeni wafango tënë ayeke hunzi na mbeni ngoi, peut-être na midi. Biani, dutingo ti ambeni zo alingbi ti hunda na ala ti hunzi fango tënë na mbeni ngoi so alingbi. Me mo yeke hunzi fango tënë gi ngbanga ti so ambeni zo ti yâ ti groupe ti mo ayeke sara tongaso wala ndo so mo yeke dä la a hunda ti tene a hunzi fango tënë ni na mbeni ngoi? Mo lingbi ti kono yâ ti kusala ti mo teti ambeni kete penze-ngbonga nga ti fa tënë na ambeni lege nde, na tapande ti fa tënë na ndo ti lege? Mo lingbi ti sara vizite oko wala use na kiringo ti mo na yanga-da? Tara ti bâ ye ti nzoni so mo yeke sara tongana mo kiri mo wara mbeni zo oko so asara nzara ti tënë ni na yanga-da ti lo encore wala tongana mo zia ambeni périodique na azo so ayeke hon na lege! Tongana e ye ti hunzi fango tënë hio pëpe, ti sara gi ambeni kete penze-ngbonga na ndo ni ayeke mbeni lege ti kono “sandaga ti gonda” teti Jéhovah.​—aHéb. 13:15.