Kapa ti kangbingo tract Asango ti Royaume No. 38 ayeke duti ande na novembre
1. Atënë wa azo ayeke hunda ka na ndo ti akuâ? Tongana nyen la ala yeke wara ande akiringo tënë ni na nze ti novembre?
1 Kuâ ayeke wato ti azo kue, atâa ye wa la ala mä na bê na ni (1 aCor. 15:26). Mingi ti azo ayeke hunda tere ti ala: Akuâ ayeke na ndo wa, nga zo ayeke kiri ti bâ ala ande? Ni la, acongrégation ti dunia kue ayeke mû ande nze oko ti kangbi tract Asango ti Royaume No. 38, so li ti tënë ni ayeke “A yeke zingo ande biani azo so akui awe?” Kota kapa ti kangbingo tract so ayeke to nda ni ande na lango oko ti novembre. Na peko ti kota kapa so, e yeke sara kusala na tract Asango ti Royaume No. 38 so tongana tanga ti atract na fango tënë.
2. Fa lege so a leke na tract Asango ti Royaume No. 38 so.
2 Lege so a leke na ni: A leke tract Asango ti Royaume No. 38 na mbeni lege so alingbi ti plié yâ ni na yongoro ni ti tene zo abâ li ti tënë ni nga na ahundango tënë tongana: “Ti mo . . . a yeke zingo ala? a yeke zingo ala ape? mo hinga ape?” Na ngoi so e mû tract ni na mbeni zo tongana lo zi yâ ni, lo yeke bâ ande ye so Bible atene na ndo ti hundango tënë so ayeke li ti tënë ni nga ye so Bible amû zendo ni abâ lo tongana nyen. Lo yeke bâ nga araison so ndali ni lo lingbi ti yeda na ye so Bible atene. Na peko ti tract ni, a yeke wara mbeni pendere hundango tënë so lo lingbi ti gbu li na ndo ni nga a yeke pusu lo ti gi ti hinga ambeni tënë mingi na ndo ni.
3. Tongana nyen la a yeke kangbi ande tract Asango ti Royaume No. 38?
3 Lege so a yeke kangbi ande na ni: Kapa so ayeke legeoko tongana akapa ti kangbingo mbeti ti tisango ndo teti Mémorial wala teti kota bungbi ti district. A-ancien ayeke fa ande tongana nyen la ayeke kangbi ni na yâ ti territoire ti ala, alingbi na tënë ti yâ ti lettre ti lango oko ti avril 2013 so filiale atokua na ala. Acongrégation so ayeke na territoire mingi pëpe alingbi ti hunda ti mû maboko na acongrégation so ayeke nduru na ala na so ayeke na aterritoire mingi. Na ngoi so mo gue ti mû tract Asango ti Royaume No. 38, girisa pëpe ti mû gi wungo ni so mo yeke na bezoin ni teti yenga oko. Tongana e hunzi ti sara da na da, e lingbi nga ti kangbi atract ni na azo so ayeke hon na ndo ti lege wala na ando so azo ayeke dä mingi. Tongana e kangbi atract ni si ahunzi kue kozo na nda ti nze ni, e lingbi ti sara kusala na apériodique. Ahon gi ti to nda ti a-étude na kozo samedi ti nze ni, e yeke mû mbage gi na kota kapa ti kangbingo tract ni. Na anda-yenga, e lingbi ti zia nga apériodique tongana lege ayeke dä. Mo leke tere ti mo awe ti mû mbage mingi na kota kapa ti kangbingo mbeti so?