Fa ye na lege so akpengba ape

Ye so Jésus asara lani

VIDÉO: Jésus asara kua na mbeni tapande ti fa so Babâ ti e apensé na e

1. Bâ VIDÉO ni, wala diko Matthieu 6:​25-27. Na pekoni kiri tënë na ahunda so:

1. Tapande wa la Jésus amû ti fa so Jéhovah apensé na e?

2. Atâa so Jésus ahinga aye mingi na ndö ti andeke, mbeni ye wa la so akpengba ape lo luti na ndö ni? Ngbanga ti nyen la a yeke mbeni nzoni lege ti fa ye?

Tapande ti Jésus afa na e nyen?

2. Tongana e fa ye na mbeni lege so akpengba ape, azo ayeke girisa ni ape nga e yeke ndu bê ti ala.

Sara ye tongana Jésus

3. Diko tënë mingi ape. Fa na zo ni ye kue so mo hinga na ndö ti tënë ni ape, me ngbâ gï na ndö ti ye so ayeke na yâ ti mbeti so ala yeke manda. Na peko ti so mo hunda mbeni tënë, kanga bê mo ku ti tene zo ni akiri tënë. Tongana lo hinga kiringo tënë ni ape wala lo fa mbeni bibe so ague nde na ye so Bible afa, hunda ambeni tënë nde ti aidé lo ti gbu li na ndö ti tënë ni. Tongana lo mä yâ ti tënë ni awe, gue na devant.

4. Sara kua na aye so zo ni ahinga awe ti aidé lo ti mä yâ ti afini ye. Na tapande, kozo ti komanse mbeni ye ti manda na ndö ti zingongo ti akuâ, na nduru tënë, mo peut ti dabe ti lo na ye so lo manda na ndö ti azo so akui.

5. Sara kua nzoni na atapande. Kozo ti mû mbeni tapande, hunda terê ti mo:

1. ‘Eskê a yeke mbeni tapande so akpengba ape?’

2. ‘Eskê zo ni ayeke mä yâ ni hio?’

3. ‘Eskê a yeke aidé zo ni ti bata kota tënë ni, me gï tapande ni ape?’