၁ ရာဇဝင်ချုပ်

၁၂ ဒါဝိဒ်က ကိရှရဲ့သား ရှောလုရဲ့ရန်ကြောင့်+ ထွက်ပြေးပြီး ဇိကလတ်မြို့မှာ+  ပုန်းရှောင်နေတယ်။ အဲဒီအချိန်မှာ အတူတိုက်ပွဲဝင်ဖို့ ဒါဝိဒ်ဆီ ရောက်လာတဲ့  သူရဲကောင်းတွေရှိတယ်။+ ၂ သူတို့ဟာ  ဗင်ယာမိန်အနွယ်+  ရှောလုရဲ့အမျိုးတွေပဲ။ လေးသည်တော်တွေ၊  ဘယ်လက်နဲ့ရော ညာလက်နဲ့ပါ+  လောက်လွှဲတွေ၊+ လေးတွေကို ပစ်နိုင်သူတွေ   ဖြစ်တယ်။ ၃ ဂိဗာမြို့သား+ ရှေမာရဲ့သားတွေဖြစ်တဲ့  ခေါင်းဆောင်  အဟေဇာနဲ့ ယောရှ၊ အာဇမာဝက်ရဲ့+ သားတွေဖြစ်တဲ့ ယေဇေလနဲ့ ပေလက်၊ ဗေရာခ၊ အာနသုတ်မြို့သား  ယေဟု၊ ၄ ခေါင်းဆောင် ၃၀ ကို+ ကြီးကြပ်ရတဲ့ သူရဲကောင်း ဂိဗောင်မြို့သား+ အိရှမာယ၊ ယေရမိ၊ ယဟာဇေလ၊ ယောဟနန်၊ ဂေဒရအရပ်သား ယောဇဗတ်၊ ၅ ဧလုဇဲ၊ ယေရိမုတ်၊ ဗာလျာ၊ ရှေမရိ၊ ဟာရိပ်အမျိုးသား  ရှေဖတိ၊ ၆ ကောရအမျိုးသားတွေဖြစ်တဲ့+ ဧလကာန၊ အိရှယ၊ အာဇာရေလ၊ ယောဇာ၊ ယာရှောဗံ၊ ၇ ဂေဒေါ်မြို့သား ယေရောဟံရဲ့သားတွေဖြစ်တဲ့ ယောလာနဲ့ ဇေဗဒိတို့ဖြစ်တယ်။

၈ ဂဒ်အမျိုးသားတချို့လည်း တောကန္တာရထဲက ခံတပ်မှာရှိနေတဲ့ ဒါဝိဒ်နဲ့ လာပူးပေါင်းကြတယ်။+  သူတို့ဟာ ဒိုင်းလွှားကြီးနဲ့  လှံရှည်ကို  အသင့်ဆောင်ထားတဲ့ စစ်ရေးကျွမ်းကျင်သူတွေ၊ ခြင်္သေ့လို မျက်နှာမျိုးရှိတဲ့သူတွေ၊ တောင်တန်းပေါ်ကဒရယ်လို လျင်မြန်တဲ့ သူရဲကောင်းတွေပဲ။ ၉ စစ်မက်ရေးရာမှာ  အကျွမ်းကျင်ဆုံးက ဧဇာ၊ ဒုတိယ သြဗဒိ၊ တတိယ ဧလျာဘ၊ ၁၀ စတုတ္ထ  မိရှမန္န၊  ပဉ္စမ  ယေရမိ၊ ၁၁ ဆဋ္ဌမ အတ္တဲ၊ သတ္တမ ဧလျေလ၊ ၁၂ အဋ္ဌမ ယောဟနန်၊ နဝမ ဧလဇာဗဒ်၊ ၁၃ ဒသမ ယေရမိ၊ ဆယ့်တစ်ယောက်မြောက် မာခဗာနဲ။ ၁၄ သူတို့ဟာ ဂဒ်အမျိုးသား+ စစ်ဗိုလ်တွေပဲ။ သူတို့ထဲက အညံ့ဆုံးတောင် လူအင်အား အယောက် ၁၀၀ နဲ့ညီပြီး အတော်ဆုံးက လူအင်အား အယောက် ၁,၀၀၀ နဲ့ညီတယ်။+ ၁၅ သူတို့က ဂျော်ဒန်မြစ်ကမ်း တစ်လျှောက် မြစ်ရေလျှံတဲ့ ပထမလမှာ ဖြတ်ကူးပြီးနောက် မြေနိမ့်ဒေသမှာ နေထိုင်သူတွေကို အရှေ့ဘက်နဲ့ အနောက်ဘက်ဆီ ကွဲလွင့်သွားအောင် မောင်းထုတ်ခဲ့တယ်။

၁၆ ဗင်ယာမိန်အမျိုးသားတချို့နဲ့   ယုဒအမျိုးသားတချို့လည်း  ဒါဝိဒ်ရဲ့ခံတပ်ဆီ  ရောက်လာတယ်။+ ၁၇ ဒါဝိဒ်က  ထွက်လာပြီး  “ငါ့ကို တကယ် ကူညီပေးချင်လို့ ရောက်လာတာဆိုရင် ငါလည်း မင်းတို့နဲ့ တစ်စိတ်တစ်ဝမ်းတည်းပါပဲ။ ဘာအမှားမှ မလုပ်တဲ့ ငါ့ကို ရန်သူတွေလက်ထဲ အပ်ဖို့ လာတာဆိုရင်တော့ ဘိုးဘေးတို့ရဲ့ ဘုရားသခင်ပဲ တရားစီရင်ပါစေ”+ လို့ပြောတယ်။ ၁၈ အဲဒီအခါ လူ ၃၀ ရဲ့ခေါင်းဆောင် အာမသဲအပေါ် စွမ်းအားတော် သက်ရောက်လာတယ်။+  ဒါကြောင့် အာမသဲက

“ဒါဝိဒ်၊ ကျွန်တော်တို့ဟာ ခင်ဗျားရဲ့လူတွေပါ။ ယေရှဲရဲ့သား၊ ခင်ဗျားဘက်မှာ ကျွန်တော်တို့ ရှိပါတယ်။+

ဒါဝိဒ်လည်း သူတို့ကို လက်ခံပြီး စစ်ဗိုလ်တွေအဖြစ် ခန့်အပ်လိုက်တယ်။

၁၉ ရှောလုကို တိုက်ဖို့ ဖိလိတိတွေ ချီတက်လာတဲ့အခါ ဒါဝိဒ်လည်း အတူလိုက်လာတယ်။ အဲဒီအချိန်မှာ မနာရှေအမျိုးသားတချို့ ဒါဝိဒ်နဲ့ လာပူးပေါင်းကြတယ်။ ဖိလိတိမင်းတွေက+ “ဒီလူ သူ့သခင်ရှောလုနဲ့ ပြန်ပူးပေါင်းမှာ။ အဲဒီအခါ ငါတို့ ခေါင်းပြတ်နေဦးမယ်” လို့တိုင်ပင်ပြီးနောက်+ ပြန်လွှတ်လိုက်တဲ့အတွက် ဒါဝိဒ်လည်း ဖိလိတိတွေကို မကူညီတော့ဘဲ၊ ၂၀ ဇိကလတ်မြို့ကို+ ပြန်လာတယ်။ အဲဒီအခါ မနာရှေအနွယ်ထဲက+ လူတစ်ထောင်အုပ်တွေဖြစ်တဲ့ အာဒန၊ ယောဇဗတ်၊ ယေဒယေလ၊ မိက္ခာ၊ ယောဇဗတ်၊ ဧလိဟု၊ ဇိလသဲတို့က ဒါဝိဒ်နဲ့ လာပူးပေါင်းကြတယ်။ ၂၁ သူတို့အားလုံးက ရဲစွမ်းသတ္တိရှိသူတွေ+ ဖြစ်တဲ့အတွက် ဓားပြတွေကို တိုက်ခိုက်ရာမှာ ဒါဝိဒ်ကို ကူညီပေးကြတယ်။ နောက်ပိုင်းမှာ သူတို့ဟာ စစ်ဗိုလ်တွေ ဖြစ်လာတယ်။ ၂၂ ကူညီမယ့်သူတွေ တစ်ရက်ပြီးတစ်ရက် တဖွဲဖွဲ ရောက်လာတဲ့အတွက် ဒါဝိဒ်ရဲ့တပ်က+ ဘုရားသခင်ရဲ့ တပ်မဟာလို အင်အားကြီးလာတယ်။+

၂၃ ယေဟောဝါရဲ့  အမိန့်အတိုင်း ရှောလုရဲ့ ထီးနန်းကို လွှဲပြောင်းပေးဖို့  ဒါဝိဒ်ရှိရာ ဟေဗြုန်မြို့ကို+ လက်နက်ကိုင်  စစ်သည်တွေ  ရောက်လာတယ်။+  သူတို့ရဲ့အရေအတွက်ကတော့၊ ၂၄ ယုဒအနွယ်မှာ ဒိုင်းလွှားကြီးနဲ့ လှံရှည်ကိုင်ဆောင်တဲ့ စစ်သည် ၆,၈၀၀၊ ၂၅ ရှိမောင်အနွယ်မှာ ခွန်အားကြီးပြီး သတ္တိရှိတဲ့ စစ်သည် ၇,၁၀၀ ရှိတယ်။

၂၆ လေဝိအနွယ်မှာ  ၄,၆၀၀၊ ၂၇ အာရုန်သားမြေးတွေရဲ့ခေါင်းဆောင်+ ယောယဒနဲ့+ သူ့လူ ၃,၇၀၀၊ ၂၈ ခွန်အားကြီးပြီး သတ္တိရှိတဲ့ လူငယ်ဇာဒုတ်နဲ့+ သူ့ရဲ့ဆွေမျိုးစုခေါင်းဆောင် ၂၂ ယောက်ရှိတယ်။

၂၉ ရှောလုရဲ့အမျိုး+ ဗင်ယာမိန်အနွယ်မှာ ၃,၀၀၀ ရှိတယ်။ သူတို့အနွယ်ထဲက အများစုဟာ အရင်တုန်းက ရှောလုအမျိုးအပေါ် သစ္စာစောင့်သိခဲ့ကြတယ်။ ၃၀ ဧဖရိမ်အနွယ်ရဲ့ ဆွေမျိုးစုတွေထဲမှာ ၂၀,၈၀၀ ရှိတယ်။ သူတို့ဟာ ခွန်အားကြီးပြီး သတ္တိရှိတယ်လို့ ဂုဏ်သတင်းကြီးတဲ့သူတွေပဲ။

၃၁ မနာရှေအနွယ်တစ်ဝက်မှာ ဒါဝိဒ်ဆီလာပြီး မင်းမြှောက်ဖို့ နာမည်နဲ့တကွ ရွေးချယ်ခံရသူပေါင်း ၁၈,၀၀၀ ရှိတယ်။ ၃၂ အိသခါအနွယ်မှာ အချိန်အခါကို နားလည်ပြီး အစ္စရေးတွေ လုပ်သင့်လုပ်အပ်ရာကို သိမြင်တဲ့ ခေါင်းဆောင် ၂၀၀ နဲ့ သူတို့လက်အောက်မှာရှိတဲ့ ညီအစ်ကိုတွေ။ ၃၃ ဇာဗုလုန်အနွယ်မှာ လက်နက်အမျိုးမျိုးနဲ့ တပ်ကို ခင်းကျင်းနိုင်ပြီး စစ်မှုထမ်းနိုင်သူ၊ ဒါဝိဒ်အပေါ် အကြွင်းမဲ့ သစ္စာစောင့်သိသူ ၅၀,၀၀၀။ ၃၄ နဿလိအနွယ်မှာ စစ်ဗိုလ် ၁,၀၀၀၊ ဒိုင်းလွှားကြီးနဲ့ လှံရှည်ကိုင်ဆောင်သူ ၃၇,၀၀၀။ ၃၅ ဒန်အနွယ်မှာ တပ်ကို ခင်းကျင်းနိုင်သူ ၂၈,၆၀၀။ ၃၆ အာရှာအနွယ်မှာ တပ်ကို ခင်းကျင်းနိုင်ပြီး စစ်မှုထမ်းနိုင်သူ ၄၀,၀၀၀ ရှိတယ်။

၃၇ ဂျော်ဒန်မြစ်တစ်ဖက်က+ ရုဗင်အနွယ်၊ ဂဒ်အနွယ်နဲ့ မနာရှေအနွယ်တစ်ဝက်မှာ လက်နက်အမျိုးမျိုး ကိုင်ဆောင်သူ စစ်သည် ၁၂၀,၀၀၀ ရှိတယ်။ ၃၈ သူတို့အားလုံးဟာ စစ်သည်တွေ၊ တိုက်ပွဲဝင်နိုင်သူတွေပဲ။ ဒါဝိဒ်ကို အစ္စရေးဘုရင်အဖြစ် မင်းမြှောက်ဖို့ အခိုင်အမာ စိတ်ပိုင်းဖြတ်ပြီး ဟေဗြုန်မြို့ကို ရောက်လာကြတယ်။ ကျန်တဲ့အစ္စရေးတွေလည်း တစ်စိတ်တစ်ဝမ်းတည်းဖြစ်ပြီး ဒါဝိဒ်ကို မင်းမြှောက်ချင်ကြတယ်။+ ၃၉ သူတို့ဟာ ညီအစ်ကိုတွေ ပြင်ဆင်ပေးထားတာတွေကို စားသောက်ပြီး ဒါဝိဒ်နဲ့အတူ သုံးရက်နေကြတယ်။ ၄၀ ရပ်နီးမှာ နေထိုင်သူတွေရော အိသခါ၊ ဇာဗုလုန်နဲ့ နဿလိနယ်မြေစတဲ့ ရပ်ဝေးမှာ နေထိုင်သူတွေပါ စားစရာတွေ အများကြီး သယ်လာကြတယ်။ ဂျုံနဲ့လုပ်တဲ့ မုန့်တွေ၊ သဖန်းသီးပျဉ်နဲ့ စပျစ်သီးပျဉ်တွေ၊ ဆီနဲ့ စပျစ်ဝိုင်တွေကို နွား၊ မြည်း၊ ကုလားအုတ်နဲ့ လားတွေပေါ် တင်ပြီးသယ်လာတယ်။ သိုးနွားတွေလည်း  ပါတယ်။  ဒီလိုနဲ့ အစ္စရေးပြည်မှာ ရွှင်လန်း ဝမ်းမြောက်နေကြတယ်။