၆၉ ပေတရုက ခြံဝင်းထဲ ထိုင်နေတုန်း အစေခံမလေးတစ်ယောက် ရောက်လာပြီး “ရှင်ဟာ ဂါလိလဲပြည်သား ယေရှုနဲ့တစ်ဖွဲ့တည်းပဲ” လို့ပြောတယ်။+ ၇၀ လူအားလုံးရှေ့မှာ ပေတရုက “ခင်ဗျားပြောနေတာတွေကို ကျွန်တော် မသိဘူး” လို့ ငြင်းတယ်။ ၇၁ ခြံဝင်းတံခါးဆီ  သူသွားတဲ့အခါ  အစေခံမလေး နောက်တစ်ယောက်က မြင်သွားပြီး အဲဒီမှာရှိတဲ့လူတွေကို “ဒီလူဟာ နာဇရက်မြို့သား ယေရှုနဲ့တစ်ဖွဲ့တည်းပဲ”+ လို့ပြောတယ်။ ၇၂ ပေတရုက “သူ့ကို ကျွန်တော် မသိဘူး” လို့ကျိန်ပြောတယ်။ ၇၃ ခဏကြာတော့ အဲဒီမှာရပ်နေသူတွေ အနားလာပြီး ပေတရုကို “တကယ်တော့ ခင်ဗျားလည်း သူတို့နဲ့ တစ်ဖွဲ့တည်းပဲဆိုတာ ခင်ဗျားရဲ့လေသံကို နားထောင်တာနဲ့ သိနိုင်တယ်” လို့ပြောကြတယ်။ ၇၄ ပေတရုက ကျိန်တွယ်သစ္စာဆိုပြီး “သူ့ကို ကျွန်တော် မသိဘူး” လို့ငြင်းတယ်။ အဲဒီအချိန်မှာပဲ ကြက်တွန်သံ ကြားလိုက်ရတယ်။ ၇၅ “ကြက်မတွန်ခင် ကျွန်တော့်ကို မသိဘူးဆိုပြီး ခင်ဗျား သုံးကြိမ်ငြင်းလိမ့်မယ်”+ ဆိုတဲ့ ယေရှုရဲ့စကားကို သူသတိရသွားတဲ့အတွက် အပြင်ထွက်ပြီး ရှိုက်ကြီးတငင် ငိုချတော့တယ်။

၅၅ ခြံဝင်းအလယ်မှာ လူတွေ မီးဖိုပြီး ဝိုင်းထိုင်တဲ့အခါ  ပေတရုလည်း သူတို့ကြားမှာ  ဝင်ထိုင်တယ်။+ ၅၆ ပေတရု ထိုင်ပြီးမီးလှုံနေတာကို အစေခံမလေးတစ်ယောက်  တွေ့တဲ့အခါ အသေအချာကြည့်ပြီး “သူလည်း ဟိုလူနဲ့ တစ်ဖွဲ့တည်းပဲ”  လို့ပြောတော့၊ ၅၇ “သူ့ကို ကျွန်တော် မသိပါဘူး” လို့ ငြင်းတယ်။ ၅၈ ခဏကြာတော့ နောက်တစ်ယောက်က ပေတရုကို တွေ့တဲ့အခါ “ခင်ဗျားလည်း သူ့တပည့်ပဲ” ဆိုတော့ “မဟုတ်ရပါဘူးဗျာ” လို့ ငြင်းတယ်။+ ၅၉ တစ်နာရီလောက်ကြာတော့ နောက်တစ်ယောက်က “သူဟာ ဂါလိလဲပြည်သားဆိုတော့ ဟိုလူနဲ့တစ်ဖွဲ့တည်းဆိုတာ သေချာတယ်” လို့ တထစ်ချပြောတဲ့အခါ၊ ၆၀ ပေတရုက  “ခင်ဗျား  ဘာတွေပြောနေမှန်း ကျွန်တော် မသိဘူး” ဆိုပြီး ငြင်းတယ်။ သူ အဲဒီလိုငြင်းနေတုန်းမှာပဲ ကြက်တွန်သံ ကြားလိုက်ရတယ်။ ၆၁ အဲဒီအချိန်မှာ သခင်ယေရှုက ပေတရုကို လှည့်ပြီးကြည့်တယ်။ ပေတရုလည်း “ဒီနေ့ ကြက်မတွန်ခင်မှာ ကျွန်တော့်ကို မသိဘူးလို့ ခင်ဗျား သုံးကြိမ်ငြင်းလိမ့်မယ်” ဆိုတဲ့ ယေရှုရဲ့စကားကို သတိရသွားတဲ့အတွက်၊+ ၆၂ အပြင်ထွက်ပြီး ရှိုက်ကြီးတငင် ငိုချတော့တယ်။

၂၅ ရှိမုန်ပေတရုကတော့ ရပ်ပြီး မီးလှုံနေတယ်။ အဲဒီအချိန်မှာ “ခင်ဗျားလည်း အဲဒီလူရဲ့ တပည့်ပဲ မဟုတ်လား” လို့မေးကြတော့ ပေတရုက “မဟုတ်ပါဘူး” လို့ ငြင်းတယ်။+ ၂၆ နောက်တော့ ပုရောဟိတ်မင်းရဲ့ ကျွန်တစ်ယောက်က “ဥယျာဉ်ထဲမှာ အဲဒီလူနဲ့အတူ ခင်ဗျားရှိနေတာ ကျွန်တော်မြင်သားပဲ။ ဟုတ်တယ် မဟုတ်လား” လို့မေးတယ်။ အဲဒီကျွန်က ပေတရုခုတ်လိုက်လို့ နားရွက်ပြတ်သွားတဲ့လူနဲ့+ အမျိုးတော်တယ်။