၉ အဲဒီကနေ  သူတို့ထွက်လာပြီးနောက် တရားဇရပ်ထဲ ဝင်သွားတဲ့အခါ၊ ၁၀ လက်တစ်ဖက်သေနေသူကို တွေ့တယ်။+  ဖာရိရှဲတွေက  ယေရှုကို အပြစ်ရှာချင်တာနဲ့  “ဥပုသ်နေ့မှာ ရောဂါ ကုပေးသင့်သလား”  ဆိုပြီးမေးတယ်။+ ၁၁ ယေရှုက  “ခင်ဗျားတို့မှာ သိုးတစ်ကောင်ရှိတယ် ဆိုပါစို့။ အဲဒီသိုးက ဥပုသ်နေ့မှာ တွင်းထဲကျသွားရင် မဆွဲတင်ဘဲနေတဲ့သူ  ရှိသလား။+ ၁၂ လူဟာ သိုးထက် အများကြီးတန်ဖိုးရှိတယ်။  ဒါကြောင့်  ဥပုသ်နေ့မှာ ကောင်းမှုပြုသင့်တယ်”  လို့ပြန်ပြောတယ်။ ၁၃ အဲဒီနောက်  လက်တစ်ဖက်သေနေသူကို  “လက်ဆန့်လိုက်ပါ”  လို့ပြောတော့ အဲဒီလူ  လက်ဆန့်လိုက်တဲ့အခါ ကျန်လက်တစ်ဖက်လိုပဲ ပြန်ကောင်းသွားတယ်။ ၁၄ အဲဒီအခါ ဖာရိရှဲတွေ ထွက်သွားပြီး ယေရှုကိုသတ်ဖို့ ပူးပေါင်းကြံစည်ကြတယ်။

၆ နောက်ဥပုသ်တစ်ရက်မှာ+ ယေရှုက  တရားဇရပ်ထဲဝင်ပြီး  သွန်သင်တယ်။ အဲဒီမှာ ညာလက်သေနေသူ ရှိတယ်။+ ၇ ကျမ်းတတ်နဲ့ဖာရိရှဲတွေက ယေရှုကိုစွပ်စွဲဖို့ အကြောင်းရှာချင်တာနဲ့ ဥပုသ်နေ့မှာ အဲဒီလူကို ကုပေးမလားဆိုတာ မျက်ခြည်မပြတ် စောင့်ကြည့်နေတယ်။ ၈ သူတို့ ဘာတွေးနေမှန်း ယေရှုသိတဲ့အတွက်+ လက်တစ်ဖက်သေနေသူကို “ထပြီး ဒီအလယ်မှာ လာရပ်ပါ” လို့ပြောတော့ အဲဒီလူက လာရပ်တယ်။ ၉ ဒါနဲ့ ယေရှုက “ခင်ဗျားတို့ကို ကျွန်တော်မေးမယ်။ ဥပုသ်နေ့မှာ ဘာလုပ်သင့်သလဲ။ ကောင်းမှုလား၊ မကောင်းမှုလား။ လူ့အသက် ကယ်တာလား၊ လူ့အသက် သတ်တာလား” လို့မေးတယ်။+ ၁၀ ပတ်လည်မှာရှိနေတဲ့ လူအားလုံးကို ကြည့်ပြီးနောက် အဲဒီလူကို “လက်ဆန့်လိုက်ပါ” လို့ပြောတော့ သူ လက်ဆန့်လိုက်တဲ့အခါ အကောင်းပကတိ ပြန်ဖြစ်သွားတယ်။ ၁၁ အဲဒီအခါ ကျမ်းတတ်နဲ့ ဖာရိရှဲတွေ ဒေါသပေါက်ကွဲပြီး ယေရှုကို ဘယ်လိုလုပ်ရင် ကောင်းမလဲလို့ အချင်းချင်း တိုင်ပင်ကြတယ်။