CHUMA CHOPEZEKA M’MAWU A MULUNGU | MALIKO 3-4
Anachiritsa Munthu pa Tsiku la Sabata
N’chifukwa chiyani Yesu anakhumudwa ndi khalidwe la atsogoleri achipembedzo achiyuda? Iwo anachititsa kuti tsiku la Sabata likhale lolemetsa chifukwa cha malamulo ambirimbiri osafunika omwe anakhazikitsa. Mwachitsanzo, kupha ntchentche pa tsiku la Sabata linali tchimo. Kuchiritsa kunkakhala kovomerezeka pokhapokha ngati moyo wa munthu uli pangozi. Zimenezi zikutanthauza kuti munthu amene wathyoka fupa kapena kubinya samayenera kuthandizidwa pa tsiku la Sabata. Apa zikuonekeratu kuti atsogoleriwa sankaganizira munthu wolumala dzanja amene Yesu anam’chiritsa.