Gawo 1 Kubwereza

N’chiyani chimakusangalatsani mukaganizira zimene Baibulo limalonjeza zokhudza m’tsogolo?

N’chifukwa chiyani mumakhulupirira kuti Baibulo ndi Mawu a Mulungu?

N’chifukwa chiyani kugwiritsa ntchito dzina la Yehova n’kofunika?

Baibulo limanena kuti Mulungu ndi “kasupe wa moyo.” (Salimo 36:9) Kodi mumakhulupirira zimenezi?

Werengani Miyambo 3:32.

• N’chifukwa chiyani tinganene kuti Yehova ndi Mnzathu wabwino kwambiri amene tingakhale naye?

• Kodi Yehova amafuna kuti anzake azichita chiyani? Kodi mumaona kuti zimene Yehova amafunazi n’zotheka kuzichita?

  (Onani Phunziro 07 ndi 08.)

Werengani Salimo 62:8.

• Kodi ndi zinthu ziti zimene munamuuzapo Yehova popemphera? Nanga ndi zinthu zinanso ziti zimene mungazipempherere?

• Kodi Yehova amayankha bwanji mapemphero?

  (Onani Phunziro 09.)

Werengani Aheberi 10:​24, 25.

• Kodi misonkhano ya Mboni za Yehova ingakuthandizeni bwanji?

• Kodi mukuona kuti mukuyeneradi kuchita khama kuti muzipezeka pamisonkhano?

  (Onani Phunziro 10.)

N’chifukwa chiyani muyenera kumawerenga Baibulo tsiku lililonse? Ndi nthawi iti imene mumakonda kuwerenga Baibulo tsiku lililonse?

Pofika pano, ndi zinthu ziti zimene zakusangalatsani kwambiri pophunzira Baibulo?

Kuchokera pamene munayamba kuphunzira Baibulo, kodi mwakumana ndi mavuto aliwonse amene akanakulepheretsani kupitiriza? N’chiyani chimene chingakuthandizeni kuti musasiye kuphunziraku?