M’patseni Yehova Ulemerero

1. Yehova, palibe munthu

Angafanane nanu.

N’dzakubwezerani chani

Pa zonse mumandipatsa?

Ndikayang’ana kumwamba,

Ndimaonatu mphamvu.

Ndine wotsika Yehova

Koma m’mandiganizira.

2. Zochita zanga Yehova

Zikulemekezeni.

Ndizilengeza uthenga

Ndi ntchito zanu zabwino.

Kukutumikiranitu

Kumandisangalatsa.

Muzindipatsabe mphamvu

Muzinditsogolerabe.

3. Nyanja, zitunda ndi zigwa,

Dzuwa, mwezi, nyenyezi,

Zimanditsimikizira

Chikondi chanu chosatha.

Ulemu ndi kukongola

Ndi zomwe ndimaona.

Sindingachitire mwina

Koma kukulambirani.