Muzitsatira Yesu Muli ndi Zolinga Zabwino

6:9-11, 25-27, 54, 66-69

Yesu atanena fanizo lomwe linasokoneza mitu ophunzira ake, ambiri anakhumudwa ndipo anasiya kumutsatira. Panali patangodutsa tsiku limodzi kuchokera pamene Yesu anadyetsa khamu la anthu mozizwitsa, ndipo izi zinkatsimikizira kuti anali ndi mphamvu zochokera kwa Mulungu. Ndiyeno n’chifukwa chiyani anthuwo anakhumudwa? N’zoonekeratu kuti iwo ankamutsatira ndi zolinga zadyera. Ankangofuna kuti Yesu aziwapatsa zakudya.

Aliyense ayenera kudzifunsa kuti: ‘N’chifukwa chiyani ndimatsatira Yesu? Kodi ndimamutsatira chifukwa cha madalitso amene ndikupeza panopa komanso amene ndidzapeze m’tsogolo basi? Kapena n’chifukwa choti ndimakonda Yehova ndipo ndimafuna kuchita zimene amafuna?’

N’chifukwa chiyani zili zosavuta kuti tikhumudwe ngati timangotumikira Yehova pa zifukwa zotsatirazi?

• Timasangalala kukhala pakati pa anthu a Yehova

• Tikufuna kudzakhala m’Paradaiso