Limbani Mtima Pamene Mapeto Akuyandikira

KODI ZIMENEZI N’ZOFUNIKA BWANJI?: Posachedwapa padzikoli padzachitika zinthu zochititsa mantha ndipo tidzafunika kukhala olimba mtima komanso kusonyeza kuti timadalira kwambiri Yehova kuposa kale lonse. Chisautso chachikulu chidzayamba ndi kuwonongedwa kwa zipembedzo zonyenga. (Mt 24:21; Chv 17:16, 17) Pa nthawi yovuta imeneyo, n’kutheka kuti tizidzalengeza uthenga wamphamvu wachiweruzo. (Chv 16:21) Gogi wa ku Magogi adzatiukira. (Eze 38:10-12, 14-16) Pofuna kuteteza anthu ake, Yehova adzayambitsa ‘nkhondo ya tsiku lalikulu la Mulungu Wamphamvuyonse.’ (Chv 16:14, 16) Kuti tidzakhale olimba mtima kwambiri zimenezi zikamadzachitika, tikuyenera kukhala okhulupirika panopa tikamakumana ndi mayesero.

MMENE TINGACHITIRE ZIMENEZI:

• Tiyenera kumatsatira mfundo zapamwamba za Yehova molimba mtima.​—Yes 5:20

• Tiyenera kupitirizabe kulambira Yehova limodzi ndi Akhristu anzathu.​—Ahe 10:24, 25

• Tiyenera kutsatira mwamsanga malangizo amene gulu la Yehova limatipatsa.​—Ahe 13:17

• Tiziganizira mmene Yehova anapulumutsira anthu ake m’mbuyomu.​—2Pe 2:9

• Tizipemphera komanso kudalira Yehova.—Sl 112:7, 8

ONERANI MBALI INA YA VIDIYO YAKUTI KUTSOGOLOKU TIDZAFUNIKA KULIMBA MTIMA, NDIPO KENAKO YANKHANI MAFUNSO OTSATIRAWA:

• 

  Kodi n’chifukwa chiyani zinali zovuta kuti ofalitsa ena amvere malangizo a akulu mpingo wawo utagawidwa n’kuphatikizidwa ndi mipingo ina?

• 

  Kodi kulimba mtima kumagwirizana bwanji ndi kumvera?

• 

  N’chifukwa chiyani tidzafunika kulimba mtima pa Aramagedo?

• 

  Kodi ndi nkhani iti ya m’Baibulo imene ingatithandize kulimbitsa chikhulupiriro chathu chakuti Yehova adzatipulumutsa?​—2Mb 20:1-24