10 Dore isezerano ngiranye nawe ari na ryo sezerano wowe n’abazagukomokaho mugomba kubahiriza: Umuntu wese w’igitsina gabo wo muri mwe agomba gukebwa.*+

23 Hanyuma kuri uwo munsi Aburahamu afata umuhungu we Ishimayeli n’abantu bose b’igitsina gabo bo mu muryango we n’umugaragu wese yaguze, ni ukuvuga buri muntu wese w’igitsina gabo wavukiye mu rugo rwe, arabakeba nk’uko Imana yari yabimubwiye.+

3 Nuko Aburahamu azinduka kare mu gitondo atunganya indogobe ye, afata abagaragu be babiri n’umuhungu we Isaka kandi yasa inkwi yari gukoresha atamba igitambo. Hanyuma arahaguruka ajya ahantu Imana y’ukuri yari yamubwiye.

12 Aramubwira ati: “Ntiwice uwo muhungu kandi ntugire ikintu kibi umukorera. Ubu noneho menye ko untinya kubera ko utanyimye umwana wawe w’ikinege.”*+

8 Ukwizera ni ko kwatumye Aburahamu+ yumvira akava iwabo ubwo yahamagarwaga, akajya mu gihugu yagombaga kuzahabwa ngo kibe umurage we. Yemeye kuva iwabo, nubwo atari azi aho agiye.+

21 Ese ntuzi ko sogokuruza Aburahamu Imana yamwise umukiranutsi bitewe n’ibikorwa bye, igihe yari yemeye gushyira umwana we Isaka ku gicaniro kugira ngo amutambe?+