14 “‘Niba hari umunyamahanga utuye muri mwe, na we azategurire Yehova igitambo cya Pasika.+ Ajye agitegura akurikije amategeko n’amabwiriza yose arebana na Pasika.+ Mwese muzayoborwe n’itegeko rimwe, yaba umunyamahanga cyangwa Umwisirayeli.’”+

16 Ariko Rusi aramubwira ati: “Ntunyingingire kugusiga ngo ndeke kujyana nawe, kuko aho uzajya ari ho nzajya kandi aho uzarara ni ho nzarara. Ubwoko bwawe buzaba ubwoko bwanjye kandi Imana yawe izaba Imana yanjye.+

15 Nuko agaruka kureba umuntu w’Imana y’ukuri+ ari kumwe n’abamurinda* bose, amuhagarara imbere aramubwira ati: “Ubu noneho menye ko ku isi hose nta yindi Mana ibaho itari iyo muri Isirayeli.+ None ndakwinginze, emera iyi mpano* njye umugaragu wawe nguhaye.”

32 “Nanone kandi umunyamahanga wese, utari uwo mu bantu bawe ari bo Bisirayeli, uzaza aturutse mu gihugu cya kure abitewe n’izina ryawe rikomeye,*+ ububasha bwawe n’imbaraga zawe nyinshi maze akaza agasenga yerekeye iyi nzu,+ 33 uzatege amatwi uri mu ijuru aho uba, ukore ibihuje n’ibyo uwo munyamahanga agusabye byose, kugira ngo abo mu bihugu byose byo ku isi bamenye izina ryawe,+ bagutinye nk’uko abantu bawe, ari bo Bisirayeli bagutinya kandi bamenye ko iyi nzu nubatse yitirirwa izina ryawe.

27 Nuko arahaguruka aragenda, maze abona Umunyetiyopiya wari umukozi w’ibwami,* akaba yarakoreraga umwamikazi* wa Etiyopiya kandi akaba ari na we wagenzuraga ubutunzi bwe bwose. Uwo mugabo yari yaragiye i Yerusalemu gusenga.+