Enshokolezi y‘Ecigabi ca 14

Abakristu barhangiriza bayalizize omwanzi mwinja gw’Obwami kuhika omu maeneo ga kulî bwenene g’igulu. Yezu akag’ibalongoza aha baj’ihubiri, n’omu njira y’ecisomerine abahashisa okuhubiri abantu omu ndimi zabo z’akaburhano. Yehova abaha oburhwali n’emisi y’okulembera okulibuzibwa.

Yezu ahîre entumwa Yowane ecibonekerezi c’irenge lya Yehova. Omu cindi cibonekerezi, Yowane abona Obwami bw’empingu bwahima Shetani, bwanarhenza ho loshi oburhegesi bwa Shetani. Yowane abwine Yezu ali arhegeka nka Mwami haguma na bandi Bami 144 000. Kandi Yowane abona igulu lyoshi lyaba Paradizo, hantu abantu boshi bali baharamya Yehova omu murhûla n’omu cinyabuguma.