Oku Wakakolesamwo Eyi Broshire

Mw’eyi broshire wabonamo olwandiko lwa ngasi lusiku n’amahugûlo galo. Ciru akaba olwandiko lw’olusiku n’amahugûlo galo byanasomwa omu kasanzi olonzize, bantu banji banabone oku kuli kwinja okubisoma sezi. Oko kunabarhabale barhanye k’olo lwandiko omulegerege goshi. Okusoma olwandiko lw’olusiku omu mulala, kujira bunguke bunji bwenene. Ntyo kw’emilala y’Ebeteli y’omwigulu lyoshi ejira amango g’okulya ebiryo by’esezi.

Amahugûlo gali omu garhenzire omu Ilabiro ly’Akalalizi (w) lya kurhondera Mwezi gwa Kani, 2021 kuhika Mwezi gwa Kasharhu 2022. Emibale ekulikire omwezi gw’Ilabiro ly’Akalalizi eyerekine obukurasa n’ebifungu by’Ilabiro ly’Akalalizi ago mahugûlo garhenziremo. (Olole olwiganyo luli ah’idako.) N’erhi akaba olonzize okusoma binji lugenda omwanzi guganirirwe omu lwandiko lw’olusiku, wanasoma ecigabi c’Ilabiro ly’Akalalizi ago mahugûlo garhenziremo.