Oku Wakakolesamwo eyi Broshire

Mw’eyi broshire, wabonamwo olwandiko lwa ngasi lusiku n’amahugûlo galo. Ciru akaba olwandiko lw’olusiku n’amahugûlo galo byanasomwa omu kasanzi olonzize, bantu banji banabone oku kuli kwinja okubisoma sezi. Oko kunabarhabale barhanye k’olo lwandiko omulegerege goshi. Okuganirira olwandiko lw’olusiku omu mulala kujira bunguke bunji bwenene. Ntyo kw’emilala y’Ebeteli y’omw’igulu lyoshi ejira amango g’okulya ebiryo by’esezi.

Amahugûlo gali omu garhenzire omw’Ilabiro ly’Akalalizi (w) lya kurhondera Mwezi gwa 4, 2023 kuhika Mwezi gwa 3, 2024. Emibalè ekulikire omwezi gw’Ilabiro ly’Akalalizi eyerekine obukurasa n’ebifungo by’Ilabiro ly’Akalalizi ago mahugûlo garhenziremwo. (Olole olwiganyo luli ah’idako.) Erhi akaba olonzize okusoma binji lugenda omwanzi guganirirwe omu lwandiko lw’olusiku, wanasoma ecigabi c’Ilabiro ly’Akalalizi ago mahugûlo garhenziremwo.