Okacikengeza Entanya z’Obulagirire

K’okola oyabirwe okukengera ebintu waciyusagya wayiga? Oko kunarhuhikire rhweshi mango oku gandi. Bici byakakurhabala? Okucikengeza entanya z’obulagirire.

Amango oli wayiga, wanarhang’ileka hisungunu n’okuyandika entanya z’obulagirire bwenene. Ntyo ko entumwa Paolo yahîre bene wabo na bali babo omurhima bakajira amango bakabire bali basoma amaruba gage. Ayandisire ntya: “Ecinwa cikulu cirigi c’eci.” (Hb. 8:1) Kugerera ezo nderho, abarhabire okuhugûkwa ebi al’ilonzize okuderha na gurhi ngasi ntanya zipatinemwo n’omwanzi mukulu.

Wanacihiriraho akasanzi, nkaba miniti ikumi oku buzinda bwa ngasi cigabi c’ifunzo lyawe, ly’orhanya oku ntanya z’obulagirire wayizire. Erhi akaba orhazikengiri, olole ebirhwe bisungunu erhi emisemwa epatine n’ecirhwe cikulu ly’ohasha okukengera, kanji-kanji eba misemwa mirhanzi ya ngasi cifungo. Erhi wakayiga akantu kahyahya, ocihangane okukahugûla omu nderho zawe wene. Amango oli wacikengeza entanya z’obulagirire, oko kurhakurhabale okukengera kone, cikone kandi kwakurhabala ohugûkwe n’obwalagale gurhi wakakolesamwo ogo mwanzi omu kalamo kawe.