Nnamahanga w’Okuli ye Ndi?

Haba Nnamahanga muguma w’okuli, izino lyage ye Yehova. (Ennanga 83:18, NWT) Rhurhakamubona bulya ajira omubiri gw’ekiroho. Arhuzigira bwenene analonzize nirhu rhumuzigire. Kandi alonzize rhuzigire abandi bantu. (Mateyo 22:35-40) Yene ye Ogala Byoshi, Mulemi w’ebintu byoshi.

Eciremwa cirhanzi cha Nnamahanga âli malahika wa misi minji olya wayishir’imanyikana buzinda okw’izino lya Yezu Kristu. Enyuma ly’aho Yehova alêma abandi bamalahika.

Yehova ye walemâga ngasi kantu kaba empingu . . . n’igulu. Amafulûlo 4:11, NWT

Yehova Nnamahanga alêma enyenyezi, alêma igulu na ngasi kantu kabamwo.​—Omurhondêro 1:1.

Akôlesa obudaka ly’alema Adamu, muntu wa burhanzi.​—Omurhondêro 2:7.