Buhanya Buci Okuyumvirhiza Shetani Kwabalerhîre?

Adamu na Eva barhangira bafâ, bulya balahîre okurhumikira Nnamahanga. Omurhondêro 3:6, 23

Eva ayumvirhîza enjoka na ntyo alya oku malehe bal’ihanzibwe. Buzinda bw’aho, aha Adamu kw’ago malehe, naye alya.

Bajira kubi bwenene—bajira ecaha. Nnamahanga abalibirhako barhenga omw’ishwa lye Edeni.

Akalamo kabo kahinduka kazibu bwenene ciru n’ak’abana babo. Na ntyo bashosihala na buzinda bafâ. Erhi bafâ, barhagendaga omw’igulu ly’amaroho cikone akalamo kabo kahwa.

Erhi omuntu afâ, arhakacimanya kantu koshi-koshi, anahinduke budaka. Omurhondêro 3:19

Rhunafê bulya rhweshi rhuli bana ba Adamu na Eva. Erhi omuntu afâ, arhakacibona, arhakaciyumva erhi kujira akantu koshi-koshi. —Omuhanûzi 9:5, 10.

Yehova arhal’ilonzize abantu bafê. Hano hofi-hofi ayish’ifûla abafîre. Bakamuyumvirhiza, bayish’ilama ensiku n’amango.