Bici byakakurhabala ly’oba n’omwishingo omu kalamo k’omulala gwawe?

ALAGA ISHUZO LY’EBIBLIYA

“Abw’obushagaluke bo balya bayumvirhiza akanwa ka Nnamahanga n’okukalama!”​—Luka 11:28, NWT.

BUNGUKE BUCI WAKABANABO ERHI WAKAYEMERA EZO NYIGIRIZO Z’EBIBLIYA?

Wanaba n’obuzigire bw’okuli.​—Abefezi 5:28, 29.

Wanaba wabukenge.​—Abefezi 5:33.

Wanaba n’omurhula gw’okunali.​—Marko 10:6-9.

KA KOBINALI WANAYEMERA EZO NYIGIRIZO Z’EBIBLIYA?

Neci, hali bintu bibirhi byakarhuma rhwayemera ezo nyigirizo z’Ebibliya:

• Nnamahanga ye Warhondezâgya omulala. Ebibliya edesire oku Yehova Nnamahanga “y’Ishe” wa ngasi mulala. (Abefezi 3:14, 15) Omu zindi nderho, ngasi mulala guhaba bulya Yehova agulemire. Bulya gurhi okumanya oku Yehova ye mulemi wa ngasi mulala kuli kwa bulagirire?

  Gerereza k’olu lwiganyo: Nka wasimire ebiryo walyaga onalonzize omanye enungo zahebirw’emwo, ndi wakadosa? Kobinali wanadosa owabiyendaga.

  Ko n’oko, erhi wakalonza okumanya bici byakakurhabala ly’oba n’omwishingo omu kalamo k’omulala gwawe, kuli kwinja odose Yehova, bulya ye Warhondezâgya ngasi mulala.​—Omurhondêro 2:18-24.

• Nnamahanga aba akushibirire. Emilala egwerhe obwenge enalonze ihano lya Yehova omu Bibliya, Kanwa kage. Bulya gurhi? Bulya “kushibirira ammushibirira.” (1 Petro 5:6, 7) Yehova amanyire ebi ozigira, n’amahano gage ganakulerhera obunguke ensiku zoshi!​—Emigani 3:5, 6; Izaya 48:17, 18.