Enshokolezi y‘Ecigabi ca 10

Yehova ye Mwami mukulu kulusha boshi. Kurhenga mîra ajira obuhashe kulusha byoshi, anagendekera aba n’obuhashe ensiku zoshi. Kwa lwiganyo, erhi Yeremiya akwebwa omu mwina, Yehova amuyokola ly’arhag’ifâ. Ayokwire Shadraki, Meshaki, na Abednego kurhenga omw’ifuru ly’omuliro anayokola Daniyeli ly’entale zirhag’imulya. Yehova alanzire Esteri ly’ayokola ishanja lyoshi. Arhayemere obubi bugendekere ensiku zoshi. Obulebi lugenda ensanamu nnenene n’omurhi munenene na mulî buyerekine n’obwalagale oku hano hofi-hofi Obwami bwa Yehova bwayusa obubi boshi n’okurhondera bwarhegeka igulu.