Ogendekere Wacihangana Okurhabala Abantu

Ebi Paolo Ajijire

EVIDEO: Paolo Agendekire Acihangana Okurhabala Abantu e Efezi

1. Olole EVIDEO, erhi osome Ebijiro by’Entumwa 19:8-10. Enyuma z’aho, orhanye kw’aga madoso gakulikire:

1. Ahali h’okuleka okujira omukolo erhi bamuhagalika, gurhi Paolo agendekire acihangana okurhabala abantu bayerekine okusimisibwa?

2. Kanga Paolo agalukire abantu bal’isimisibwe ly’abayigiriza, na kasanzi kangaci ajijire ntyo?

Bici Olwiganyo lwa Paolo Lurhuyigirizize?

2. Rhushinganine rhucihe akasanzi n’okukolesa bushiru bunji lyo rhugalukira abantu basimisibwe n’okurhondeza amafunzo g’Ebibliya.

Oyige Olwiganyo lwa Paolo

3. Opatanise eprograme yawe n’ey’omuntu wagalukira. Ocidose ntya: ‘Kasanzi kahi na ngahi kwaba kwinja bwenene okurhimanana naye? Mangaci aba agwerhe akasanzi k’okuganira haguma na nani?’ Obe n’obulonza bwinja bw’okumulambagirira ciru akaba akasanzi kage karhapatini n’akawe.

4. Muyumvikane olusiku mwacib’irhimanana. Oku buzinda bwa ngasi nganîro, ocihangane okuyumvikana n’omuntu amango mwacib’iganira. Ojire okwawe koshi ly’okenga olusiku, ensa, n’ahantu mwayumvikine.

5. Orhahezagya obulangalire. Orhakag’irhanya mpu muntu mulebe arhasimisibwi mpu bulya kone kuba kuzibu okumubugana aha ka, erhi kandi, bulya kanji-kanji anabe agwerhe binji bya kujira. (1 Kr. 13:4, 7) Lubero n’oko, obe wa lugero egarhi k’okucihangana okulonza okurhabala omuntu, n’okumanya erhi kobinali oli wakolesa akasanzi kawe n’obwenge.—1 Kr. 9:26.