Obe wa Kulembera

Ebi Yezu Ajijire

EVIDEO: Yezu Arhabala Omulumuna omu Njira y’Obulembedu

1. Olole EVIDEO, erhi osome Yowane 7:3-5 na 1 Abakorinti 15:3, 4, 7. Enyuma z’aho, orhanye kw’aga madoso gakulikire:

1. Gurhi balumuna ba Yezu bayankirire omwanzi gwage oku murhondero?

2. Bici biyerekine oku Yezu arharhamaga okurhabala omulumuna Yakobo?

Bici Olwiganyo lwa Yezu Lurhuyigirizize?

2. Rhushinganine rhube ba kulembera bulya bantu baguma na baguma banarhôle kasanzi kanji kulusha abandi lyo bayemera omwanzi mwinja.

Oyige Olwiganyo lwa Yezu

3. Opime okukolesa eyindi njira. Erhi omuntu akaba arhayemiri ho n’aho okurhondera ayiga Ebibliya, orhamusezagya. Omu kasanzi kakwanine, okolese amavideo erhi yindi myanzi ly’omurhabala ahugûkwe ebijirwa amango g’ifunzo ly’Ebibliya, na gurhi akayunguka kugerera er’ifunzo.

4. Orhakag’igerera omuntu oku wundi. Ngasi muntu aba lubero n’owundi. Erhi omuntu w’omu mulala erhi kandi muntu mulebe oli walambagirira akarhindira okuyemera ifunzo ly’Ebibliya, erhi okuyemera enyigirizo z’Ebibliya, ocihangane okumanya bici byakaba birhumire. Ka hali nyigirizo ndebe z’idîni aba ayemire buzibu-zibu? K’ali asezibwa n’abantu b’omu mulala gwage erhi abalungu? Omulekere akasanzi k’okurhanya kw’ebi wadesire n’okucibonera obulagirire bw’ebi Ebibliya edesire.

5. Okasalira lugenda omuntu wasimisibwe. Ohûne Yehova akurhabale ogendekere waba n’entanya nyinja, n’okuba n’obulenga. Ohûne Yehova akurhabale ly’omanya amango muntu mulebe arhasimisibwi bwenene, n’amango oshinganine oleke okumulambagirira.—1 Kr. 9:26.