Oyige Binji Kugerera Enfoto

Ebicapo birhu bibamwo nfoto nyinji ziyigiriza ebintu by’obulagirire. Gurhi wakayigamwo binji kugerera ezo nfoto?

• Okalola enfoto embere osome omwanzi. Enfoto zanakushumya olonze okusoma binji omu mwanzi. Amasu go “garhang’ilabula” erhi kuhonja ebiryo binja embere omuntu abirye. Co cirhumire okacidosa ntya: ‘Bici mbwine?’​—Am. 7:7, 8.

• Omu kasanzi oli wasoma omwanzi, okarhanya bulya gurhi nfoto ndebe eri mw’ogo mwanzi. Okasoma amahugûlo g’enfoto erhi akaba gahânyirwe. Okarhanya gurhi eyo nfoto epatinemwo n’omwanzi oli wasoma na gurhi wakakolesa ebi wayizire kugerera eyo nfoto omu kalamo kawe.

• Enyuma z’okusoma omwanzi, okolese enfoto ly’ocikengeza ebintu by’obulagirire wayizire mw’ogo mwanzi. Opime okubona enfoto omu bukengere bwawe n’akantu ngasi nfoto yayigirizize.

• Ka wanalaba enfoto ziri mw’eyi gazeti n’okulola erhi wakengera ebi ziyigirizize?