Oku Wakakakengeramwo Amandiko

Ka hali amango wayabirwe okukengera olwandiko osima lw’Ebibliya? Lwanaba lwandiko lukurhuliriza, lukurhabala okuhima entanya mbi, erhi lwandiko olonzize oyerese muntu mulebe. (Enna. 119:11, 111) Alaga bintu bilebe wakajira byakakurhabala okukengera amandiko.

• Okolese e marque-pages y’omu JW Library.^® Amango oli wasoma Ebibliya omu application JW Library, erhi wakasoma olwandiko olonzize ogendekere wakengera, wanaluhirako e marque-pages lyo kuba kulembu kuli we okulubona agandi mango.

• Ohire olwandiko ahantu wakakalubona. Oyandike olwandiko olonzize okukengera oku hiratasi onahihire ahantu wakahibona kanji-kanji. Bantu baguma na baguma banahihire aha ciyo cabo; abandi banahihire oku cibambazi c’omu nyumpa. Cikone abandi banarhôle enfoto y’olwandiko n’okukolesa eyo nfoto nka arrière-plan y’etelefone yabo erhi y’e ordinatere yabo.

• Okolese orhuratasi rhusungunu-ngunu. Oyandike olwandiko lunda luguma lw’ehiratasi n’enderho z’olo lwandiko olundi lunda. Enyuma z’aho, ocihangane okukengera olwandiko omu kubona enderho z’olo lwandiko erhi ocihangane okukengera enderho z’olwandiko omu kubona olo lwandiko.