ගීතාවලිය
සංගීත අධ්‍යක්ෂක වෙත. “ලිලී මල්” කියන තාලයට ගායනා කරන්න. මතක් කිරීමක් විදිහට ආසාෆ් රචනා කරපු ගීතයක්.+
80 ඊශ්‍රායෙලයේ එඬේරාණෙනි,
බැටළු රැළකට මඟ පෙන්වනවා වගේ යෝසෙප්ට මඟ පෙන්වන තැනැත්තාණෙනි,+
අපි කියන දේට සවන් දෙන්න.
කෙරුබ්වරුන්ට ඉහළින්* ඉඳගෙන ඉන්න තැනැත්තාණෙනි,+ ඔබේ ආලෝකය විහිදුවන්න.
3 අනේ දෙවියනි, අපිව ආයෙත් ඔබේ සෙනඟ විදිහට පිළිගන්න.+
අපිව බේරගන්න. එහෙම කරලා ඔබ අපි ගැන සතුටු වෙනවා කියලා පෙන්වන්න.+
4 ස්වර්ගයේ සේනාවල දෙවි යෙහෝවා,
ඔබ තව කොච්චර කාලයක් ඔබේ සෙනඟ එක්ක කේන්තියෙන් ඉඳලා
ඔවුන්ගේ යාච්ඤාවලට සවන් නොදී ඉන්නවාද?+
5 ඔබ ඔවුන්ගේ කුස පුරවන්නේ කඳුළුවලින්.
ගංගාවක් තරම් කඳුළු ඔබ ඔවුන්ට බොන්න දෙනවා.
6 අපේ අසල්වැසියන් අපේ දේවල් අයිති කරගන්න රණ්ඩු කරගන්නවා.
ඔබත් ඒකට ඉඩහරිනවා. අපේ හතුරෝ හිතේ හැටියට අපිට සමච්චල් කරනවා.+
7 ස්වර්ගයේ සේනාවල දෙවියනි, අපිව ආයෙත් ඔබේ සෙනඟ විදිහට පිළිගන්න.
අපිව බේරගන්න. එහෙම කරලා ඔබ අපි ගැන සතුටු වෙනවා කියලා පෙන්වන්න.+
8 ඔබ ඊජිප්තුවෙන් මිදිවැලක් ගෙනාවා.+
ඔබ ජාතීන්ව ඔවුන්ගේ දේශයෙන් පන්නලා දාලා ඒ මිදිවැල පැළ කළා.+
10 ඒකේ සෙවණැල්ල කඳු මතට වැටුණා.
ඒකේ අතුවලින් ඔබට අයිති දේවදාර ගස් වැහිලා ගියා.
12 ඔබ ඒ මිදිවත්තේ තාප්ප කඩලා දැම්මේ ඇයි?+
එහෙම කරලා එතනින් යන හැමෝටම ඒකෙන් ගෙඩි කඩන් කන්න ඉඩහැරියේ ඇයි?+
14 ස්වර්ගයේ සේනාවල දෙවියනි,
අපිට ආයෙත් ඔබේ කරුණාව පෙන්වන්න.
16 ඒක කපලා දාලා! ගින්නෙන් පුච්චලා දාලා!+
ඔබෙන් ලැබුණ තරවටු නිසා ඒක විනාශ වෙලා යනවා.
17 ඔබේ දකුණු පැත්තේ ඉන්න පුරුෂයාට උදව් කරන්න.
ඔබට ගෞරවයක් ගේන්න ඔබ ශක්තිමත් කරපු මනුෂ්‍ය පුත්‍රයාව ආරක්ෂා කරන්න.+
18 එතකොට අපි ඔබෙන් ආයෙත් කවදාවත් ඈතට යන්නේ නැහැ.
දෙවියනි, අපේ ජීවිත ආරක්ෂා කරන්න.
එතකොට අපිට දිගටම ඔබේ නම කියලා අයැදින්න පුළුවන්.