නික්මයාම
37 බෙසලෙල්+ ඇකේෂියා ලීවලින් ගිවිසුම් පෙට්ටිය+ හැදුවා. ඒකේ දිග රියන් දෙකහමාරක්, පළල රියන්* එකහමාරක් සහ උස රියන් එකහමාරක්.+ 2 එයා පෙට්ටියේ ඇතුල් පැත්තටත් පිට පැත්තටත් පිරිසිදු රත්තරන් ආලේප කරලා ඒකේ උඩ දාරයට යටින් පෙට්ටිය වටේටම රන් ලියවැලක්* හැදුවා.+ 3 එයා ඒ පෙට්ටියට කකුල් හතරක් සවි කරලා ඒ කකුල්වලට ටිකක් ඉහළින් රන්වලින් හදපු වළලු හතරක් සවි කළා. වළලු දෙකක් පෙට්ටියේ එක පැත්තකත් අනිත් දෙක පෙට්ටියේ අනිත් පැත්තෙත් සවි කළා. 4 ඊටපස්සේ එයා ඇකේෂියා ලීවලින් පොලු දෙකක් හදලා ඒවාට රන් ආලේප කළා.+ 5 පෙට්ටිය උස්සගෙන යන්න පුළුවන් විදිහට ඒකේ දෙපැත්තේ තියෙන වළලුවලට එයා ඒ පොලු දෙක දැම්මා.+
6 එයා පිරිසිදු රත්තරන්වලින් ඒ පෙට්ටියට පියනක් හැදුවා.+ ඒකේ දිග රියන් දෙකහමාරක් සහ පළල රියන් එකහමාරක්.+ 7 එයා රත්තරන් තළලා කෙරුබ්වරුන් දෙන්නෙක්ව+ හදලා පියනේ දෙපැත්තේ තිබ්බා.+ 8 පියනේ එක කෙළවරක එක කෙරුබ්වරයෙක්වත් අනිත් කෙළවරේ අනිත් කෙරුබ්වරයාවත් තිබ්බා. 9 එයා ඒ දෙන්නාව මුහුණට මුහුණ ලා ඉන්න විදිහට තිබ්බා. කෙරුබ්වරුන් දෙන්නා හිටියේ පියාපත් ඉහළට ඔසවගෙන පියන දිහාවට හිස නමාගෙනයි.+ එයාලාගේ පියාපත් වියනක් වගේ විහිදිලා තිබුණා.+
10 එයා ඇකේෂියා ලීවලින් මේසයක් හැදුවා.+ ඒකේ දිග රියන් දෙකක්, පළල රියනක් සහ උස රියන් එකහමාරක්.+ 11 මේසයට පවිත්‍ර රන් ආලේප කරලා ඒකේ ලෑල්ලේ දාරය වටේ රන් ලියවැලක් හැදුවා. 12 ඊටපස්සේ එයා මේසය වටේ අල්ලක්* විතර පළල පටියක් සවි කළා. ඒ පටිය වටෙත් තව රන් ලියවැලක් හැදුවා. 13 එයා රන්වලින් වළලු හතරක් හදලා ඒවා මේසයේ කකුල් හතරට සවි කළා. 14 මේසය පොලුවලින් උස්සගෙන යන්න පුළුවන් වෙන්න ඒ වළලු මේසයේ ලියවැල අල්ලලා තියෙන පටියට යටින් සවි කළා. 15 ඊටපස්සේ මේසය එහා මෙහා අරන් යන්න පුළුවන් වෙන්න එයා ඇකේෂියා ලීවලින් පොලු දෙකක් හදලා ඒවාට රන් ආලේප කළා. 16 එයා මේසය උඩ තියන්න පිරිසිදු රත්තරන්වලින් දීසි, කුසලාන, පාන පූජා වක් කරන්න ජෝගු සහ පොඩි භාජන හැදුවා.+
17 ඊටපස්සේ එයා පිරිසිදු රත්තරන් තළලා පහන් රුකක් හැදුවා.+ ඒකට අඩියක්, කඳක්, අතු, මල්, පොහොට්ටු සහ පිපෙන මල් හැදුවා. ඒවා හැදුවේ එකම රත්තරන් කුට්ටියකිනුයි.+ 18 පහන් රුකේ අතු හයක් තිබුණා. කඳේ එක පැත්තක අතු තුනකුත් අනිත් පැත්තේ තවත් අතු තුනකුත් තිබුණා. 19 ඒ එක අත්තක ආමන්ඩ් මල්වල හැඩේ තියෙන මල් තුනක් තිබුණා. ඒ හැම ආමන්ඩ් මලකටම යටින් පොහොට්ටුවකුත් හැම පොහොට්ටුවකටම යටින් පිපෙන මලකුත් තිබුණා. පහන් රුකෙන් විහිදෙන හැම අත්තක්ම එයා ඒ විදිහට හැදුවා. 20 පහන් රුකේ කඳ කොටසේ ආමන්ඩ් මල් හතරක් තිබුණා. ඒ හැම මලකටම යටින් පොහොට්ටුවකුත් හැම පොහොට්ටුවකටම යටින් පිපෙන මලකුත් තියෙන විදිහට එයා කඳ හැදුවා. 21 පහන් රුකේ දෙපැත්තට විහිදිලා යන අතු හය යුගල විදිහට හැදුවා. අතු යුගලයක් කඳට සම්බන්ධ වෙන හැම තැනකටම යටින් පොහොට්ටුවක් තිබුණා. 22 පොහොට්ටු, අතු ඇතුළු මුළු පහන් රුකම හැදුවේ එක පිරිසිදු රත්තරන් කුට්ටියකිනුයි. එයා ඒ කුට්ටිය තළලා පහන් රුක හැදුවා. 23 ඊටපස්සේ එයා පහන් රුක උඩ තියන්න පහන් හතක් හැදුවා.+ පහන් තිර අල්ලන්න අඬුත් දැවී ගිය පහන් තිර දාන්න භාජනත් පිරිසිදු රත්තරන්වලින් හැදුවා. 24 පහන් රුකත් පහනුත් ඒකේ හැම භාණ්ඩයක්මත් හැදුවේ පවිත්‍ර රන් තලෙන්තයකින්.*
25 ඊටපස්සේ එයා සුවඳ ද්‍රව්‍ය ඔප්පු කරන්න ඇකේෂියා ලීවලින් පෙට්ටියක හැඩේට පූජාසනයක් හැදුවා.+ ඒකේ දිග රියනක්, පළල රියනක් සහ උස රියන් දෙකක්. එයා ඒ පූජාසනය හැදුවේ කොන් හතරේ අං හතරක් මතු වෙන විදිහටයි.+ 26 එයා පූජාසනයට පවිත්‍ර රන් ආලේප කළා. ඒකේ උඩ පැත්තට, හතර පැත්තට සහ අංවලට රන් ආලේප කරලා පූජාසනයේ උඩ දාරයට යටින් ඒකේ වටේටම රන් ලියවැලක් ඇල්ලුවා. 27 පූජාසනය පොලුවලින් උස්සගෙන යන්න පුළුවන් වෙන්න ඒකේ දෙපැත්තේ රන් වළලු දෙක ගාණේ සවි කළා. එයා ඒ වළලු සවි කළේ පූජාසනය වටේට තියෙන ලියවැලට යටින්. 28 එයා ඒ වළලු ඇතුළෙන් යවන්න ඇකේෂියා ලීවලින් පොලු දෙකකුත් හදලා ඒවාට රන් ආලේප කළා. 29 ඊටපස්සේ එයා අභිෂේක කරන්න පාවිච්චි කරන ශුද්ධ තෛලයත්+ ශුද්ධ සුගන්ධවත් ද්‍රව්‍යයත්+ දක්ෂ විදිහට* හැදුවා.