යහපත් ක්‍රිස්තියානීන් වෙමු
යාළුවන්ව තෝරගද්දී කල්පනාවෙන්!
මෝවබ් පාළුකරයේදී ඊශ්‍රායෙල්වරුන්ට සිද්ධ වුණ දේ අපි හැමෝටම අනතුරු ඇඟවීමක්. (1කොරි 10:6, 8, 11) රූප නමස්කාරයේ සහ වේශ්‍යාකමේ යෙදුණු මෝවබ් ස්ත්‍රීන්ව ආශ්‍රය කරපු නිසා ඊශ්‍රායෙල්වරුන් බරපතළ වැරදි කරන්න පෙලඹුණා. ඒකෙන් අන්තිමේදී සිද්ධ වුණේ ලොකු විනාශයක්. (ගණන් 25:9) වැඩපොළේ අය, ඉස්කෝලේ අය, අසල්වැසියෝ, නෑදෑයෝ වගේ අපිට නිතර හම්බ වෙන හුඟක් අය යෙහෝවා දෙවියන්ට නමස්කාර කරන්නේ නැහැ. ඒ වගේ අයව ළඟින් ආශ්‍රය කරන එකෙන් වෙන්න පුළුවන් අනතුර ගැන මේ බයිබල් වාර්තාවෙන් අපිට ඉගෙනගන්න පුළුවන් මොනවාද?
‘අපේ කාලයට අනතුරු ඇඟවීමක් - කෙටි වීඩියෝව’ බලලා මේ ප්‍රශ්නවලට උත්තර දෙන්න.
සිම්රී සහ අනිත් අය යාමීන්ගේ හිතට දාන්න හදපු අදහස මොකක්ද?
හරි විදිහට හිතන්න පිනෙහාස් යාමීන්ට උදව් කළේ කොහොමද?
දෙවියන්ට නමස්කාර නොකරන කෙනෙක්ව යාළුවෙක් කරගන්න එකයි, එයාත් එක්ක සුහදව ඉන්න එකයි අතර තියෙන වෙනස මොකක්ද?
සභාවේ අය අතරින් වුණත් කිට්ටු යාළුවන්ව තෝරගද්දී අපි පරෙස්සම් වෙන්න ඕනෙ ඇයි?
මිතුරු සමාජ වෙබ් අඩවි හරහා අඳුරන්නේ නැති අයව ආශ්‍රය කරන එකෙන් අපි වළකින්න ඕනෙ ඇයි?