මුල් පිටුවෙන් | මේ යන විදිහට ලෝකේ ඉතුරු වෙයිද?
මේ යන විදිහට ලෝකේ ඉතුරු වෙයිද?
ලෝක විනාශයට තව විනාඩි 21/2යි! එහෙම සටහන් වුණේ “ඩූම්ස් ඩේ ක්ලෝක්” කියන සංකේතවත් ඔරලෝසුවේ. විද්‍යාඥයන් ඒ ඔරලෝසුව යොදාගන්නේ ලෝක විනාශයට අපි කොච්චර ළං වෙලාද කියලා පෙන්නන්න. ඔවුන් 2017 වසර ආරම්භයේදී ලෝක සිද්ධීන් පරික්ෂා කරලා ඒ ඔරලෝසුවේ කටුව කලින් තිබුණාට වඩා තප්පර 30කින් ඉදිරියට ගෙනල්ලා තියෙනවා. දැන් විනාශයට තියෙන්නේ විනාඩි 21/2යි. අවුරුදු 60ක් ඇතුළත විනාඩි 21/2ක් තරම් අඩු කාලයක් වාර්තා වුණ පළවෙනි වතාව මෙයයි.
2018 වසරේදී විද්‍යාඥයන් නැවතත් ලෝක සිද්ධීන් පරික්ෂා කරන්න බලාපොරොත්තු වෙනවා. එදාටත් ඔරලෝසුවේ කටුව ඉස්සරහට ගෙනියන්න වෙයිද? ඔයා මොකද හිතන්නේ? ඇත්තටම මේ ලෝකේ විනාශ වෙලා යයිද? ඒ ප්‍රශ්නයට උත්තර දෙන එක ලේසි නැහැ. මොකද විද්‍යාඥයන් අතර පවා ඒ ගැන එකඟතාවයක් නැහැ. අනික සමහරු හිතන්නේ ලෝකේ විනාශ වෙන්නේ නැහැ කියලයි.
මේ ලෝකයට දීප්තිමත් අනාගතයක් තියෙනවා කියලා විශ්වාස කරන පිරිසකුත් ඉන්නවා. එයාලා කියන්නේ මිනිසුන්ට යහපත් කාලයක් උදා වෙනවා කියන්න ස්ථිර සාක්ෂි තියෙනවා කියලයි. ඒ වගේ දෙයක් විශ්වාස කරන්න පුළුවන්ද? නැත්නම් මේ යන විදිහට ලෝකේ නැත්තටම නැති වෙලා යයිද?