යෙහෝවඃ වහන්සේට භය වී උන් වහන්සේගේ ශුද්ධ නාමය මහිමවත් කරන්න
“ස්වාමිනි [යෙහෝවඃ වහන්ස NW], ඔබගේ නාමයට භය නොවන්නෙත් ගෞරව නොකරන්නෙත් කවුද? මක්නිසාද ඔබ පමණක් ශුද්ධය [පක්ෂපාත ය NW].”—එළිදරව් 15:4.
1, 2. (අ) වර්ෂ 1991 යෙහෝවඃ වහන්සේ අහසේ කවුළු ඇරියේ කෙසේ ද? (ආ) “යෙහෝවඃ වහන්සේට භය වන්න” යන අවවාදය දීමට ඇදහිලිවන්ත මිෂනාරිවරයෙකු ව පෙලඹ වූයේ, ජීවිතයේ කිනම් අත් දැකීම් ද? (1991 ඉයර්බුක්, පිටු 187-9 ද බලන්න.)
යෙහෝවඃ වහන්සේ ‘අහසේ කවුළු ඇර ඉඩම් මදිවෙන තරම් ආශීර්වාදයක් වැගිර’ වූ සේක. එම වදන් මෑත කාලවල දී යෙහෝවඃ වහන්සේගේ සාක්ෂිකරුවන් හට යළි යළිත් අදාළ කළ හැකි ය. (මලාකි 3:10) උදාහරණයක් වශයෙන්, 1991 සේවා වසර තුළ, ලොව වටා පවත්වන ලද විශේෂ සමුළුවල දී—දකුණු අමෙරිකාවේ බියූනොස් ආරීස් හා පෙරදිගෙහි මැනිලා, ටායිපෙයි, හා බැංකොක්; යන තැන්වල පවත්වන ලද “පවිත්‍ර භාෂාව” සමුළුවල පටන්; නැගෙනහිර යුරෝපයේ බුඩපෙස්ට්, ප්‍රාග් හා සාග්‍රෙබ්වල (1991 අගෝස්තු 16-18) පවත්වන ලද “නිදහසට ප්‍රේමකරන්නෝ” සමුළු දක්වා—ආගන්තුක සාක්ෂිකරුවන්ගේ මෙන් ම පළාත් බද ව සමුළුවට සහභාගි වූවන්ගේ උද්‍යෝගය ක්‍රිස්තියානි මිත්‍රත්වය සම්බන්ධයෙන් පිරී ඉතිරී පැවතිණ.
2 විදෙස්වලින් පැමිණි නියෝජිතයන්ට එම ස්ථානවල දීර්ඝ කාලයක් පුරා වෙසෙන ඇදහිලිවන්ත ව සිට ඇති සාක්ෂිකරුවන් ව හමුවීම කොතරම් ප්‍රීතියක් වී ද! බැංකොක් හි දී, ෆ්රෑන්ක් ඩෙවාර්—එක් කාලයක තායිලන්තයේ සිටි එක ම රාජ්‍යය ප්‍රචාරකයා—තම වසර 58ක මිෂනාරි සේවය ගැන පැවසී ය. ඔහුගේ කටයුතු පැසිෆික් සාගරයේ දූපත්වල පටන් ගිනිකොණ දිග ආසියාව දක්වා, එමෙන් ම චීනයට පවා විහි දී පැවතුණි. හෙතෙම නැව් බිඳීයෑම්වලින්, කැලෑවල වන සත්ත්වයන්ගෙන්, නිවර්තන කලාපීය රෝගවලින්, හා ජපන් ජාතික යුද සෙන්පතීන්ගේ කෲර පාලන සමයෙන් අන්තරායන්ට මුහුණ දී තිබුණි. සමුළුවට සහභාගි වූවන්ට තමා දෙන අවවාදය කුමක් දැයි අසනු ලැබූ විට, ඔහුගේ පිළිතුර සරල එකක් විය: “යෙහෝවඃ වහන්සේට භය වන්න!”
3. අප දේව භය විදහා පෙන්විය යුත්තේ මක්නිසා ද?
3 “යෙහෝවඃ වහන්සේට භය වන්න!” අප සියල්ලන් ම එම යහපත් භය වර්ධනය කර ගැනීම කොතරම් වැදගත් ද! “ස්වාමීන් [යෙහෝවඃ NW] කෙරෙහි භයවීම ප්‍රඥාවේ පටන්ගැන්මය.” (ගීතාවලිය 111:10) මෙම භය යෙහෝවඃ වහන්සේ පිළිබඳ ප්‍රබල භීතියක් නොවේ. ඒ වෙනුවට, එය වනාහි දේව වචනය පිළිබඳ අධ්‍යයනයෙන් අප ලබන්නා වූ තීක්ෂ්ණ බුද්ධිය මත පදනම් ව, උන් වහන්සේගේ තේජාන්විත මහානුභාව සම්පන්නකමත් දිව්‍ය ගුණාංගයනුත් උදෙසා ගම්භීර ගෞරවයක් වෙයි. එළිදරව් 15:3, 4 හි, මෝසෙස්ගේ හා බැටළුපැටවාණන්ගේ ගීතිකාව මෙසේ ප්‍රකාශ කරයි: “සර්වපරාක්‍රමවූ ස්වාමීවූ [යෙහෝවඃ NW] දෙවියන්වහන්ස, ඔබගේ ක්‍රියා මහත්ය, විස්මපත්ය; ජාතීන්ගේ [සදාකාලයේ NW] රජ්ජුරුවෙනි, ඔබගේ මාර්ග ධර්මිෂ්ඨය, සැබෑය, ස්වාමීනි [යෙහෝවඃ වහන්ස NW], ඔබගේ නාමයට භය නොවන්නෙත් ගෞරව නොකරන්නෙත් කවුද? මක්නිසාද ඔබ පමණක් ශුද්ධය [පක්ෂපාත ය NW].” ස්වකීය නමස්කාර කරන්නන්ට ඇති පක්ෂපාතිත්වය නිසා, “ස්වාමීන්වහන්සේ[යෙහෝවඃ වහන්සේ NW] කෙරෙහි භය ඇත්තාවූ, උන්වහන්සේගේ නාමය සැලකුවාවූ අය ගැන උන්වහන්සේ ඉදිරියෙහි ලියන ලද සිහිවීමේ පොතක්” යෙහෝවඃ වහන්සේට තිබේ. ඔවුහු සදාකාල ජීවනය සමඟින් විපාක ලබත්.—මලාකි 3:16; එළිදරව් 20:12, 15.
දිව්‍ය භය ජයනාද කරයි
4. යෙහෝවඃ වහන්සේට භය වීමට අප ව දිරි ගැන්විය යුත්තේ කිනම් පුරාතන ගැලවීමක් ද?
4 ඊශ්‍රායෙල්වරුන් ඵාරාවෝගේ මිසරයෙන් ඉවතට ගමන් කළ විට, තමන් යෙහෝවඃ වහන්සේට පමණක් භය වූ බව මෝසෙස් පැහැදිලි ව ම පෙන්වී ය. වැඩි වේලාවක් ගතවන්නට මත්තෙන්, ඉශ්‍රායෙල්වරු රතු මුහුද හා මිසරයේ ප්‍රබල යුද හමුදාව අතර කොටු වි සිටියහ. ඔවුන්ට කළ හැක්කේ කුමක් ද? “මෝසෙස්ද: භයනොවෙල්ලා, නිශ්චලව සිට ස්වාමීන්වහන්සේ [යෙහෝවඃ වහන්සේ NW] අද නුඹලාට සිදුකර දෙන ගැළවීම බලාපල්ලා. මක්නිසාද නුඹලා අද දුටු මිසරවරුන් නැවත තවත් කවදාවත් නොදක්නහුය. ස්වාමීන්වහන්සේ [යෙහෝවඃ වහන්සේ NW] නුඹලා උදෙසා සටන්කරනසේක, නුඹලා නිශ්ශබ්දව සිටිය යුතුයයි සෙනගට කීවේය.” ආශ්චයර්යවත් ලෙසින්, යෙහෝවඃ වහන්සේ ජලය දෙබෑ කළ සේක. ඉශ්‍රායෙල්වරු මුහුදු පතුල හරහා ගමන් කළෝ ය. අනතුරුව ජලය නැවතත් වේගයෙන් එක් වන්නට පටන් ගති. එවිට ඵාරාවෝගේ හමුදාව වනසා දැමිණි. යෙහෝවඃ වහන්සේ, දේව භයැති ජනතාව ගැල වූ අතර, එම අවස්ථාවේ දී ම දේව-අගෞරව කළ මිසරය කෙරෙහි විනිශ්චය ඉටු කළ සේක. ඒ හා සමාන ව අද දිනත්, සාතන්ගේ ලෝකයෙන් ස්වකීය දේව-භයැති සාක්ෂිකරුවන් ගලවා ගැනීමෙන් උන් වහන්සේ ස්වකීය පක්ෂපාතිත්වය ප්‍රදර්ශනය කරනු ඇත.—නික්මයාම 14:13, 14; රෝම 15:4.
5, 6. මනුෂ්‍යයාට වඩා අප යෙහෝවඃ වහන්සේට භය විය යුතු බව පෙන්වන්නේ යෝෂුවාගේ කාලයේ කිනම් සිදුවීම් ද?
5 මිසරයෙන් නික්මයාමෙන් පසු, මෝසෙස් ඔත්තුකාරයන් 12 දෙනෙක් පොරොන්දු දේශයට යැවී ය. යෝධයන් වැනි වැසියන් දැකීමෙන් දස දෙනෙක් මහත් සේ භය වූ අතර ඊශ්‍රායෙල්වරුන් එම දේශයට ඇතුල්වීම වළක්වන්නට වෑයම් කළහ. එහෙත් අනෙක් දෙදෙනා, යෝෂුවා හා කාලෙබ් මෙසේ වාර්තා කළහ: “දේශය ඉතාම හොඳ දේශයක්ය. ස්වාමීන්වහන්සේ [යෙහෝවඃ වහන්සේ NW] අප කෙරෙහි ප්‍රසන්නවන සේක්නම් කිරි සහ මීපැණි ගලායන ඒ දේශයට අප පමුණුවා ඒක අපට දෙනවා ඇත. ස්වාමීන්වහන්සේට [යෙහෝවඃ වහන්සේට NW] විරුත්ටධව කැරළිගැසීමක් නම් නොකරල්ලා, ඒ දේශයේ සෙනගට භයනොවෙල්ලා; මක්නිසාද ඔව්හු අපට ගොදුරු වැනිය. ඔවුන්ගේ ආරක්ෂාව ඔවුන් කෙරෙන් පහව ගියාය, ස්වාමීන්වහන්සේ [යෙහෝවඃ වහන්සේ NW] අප සමග සිටිනසේක. ඔවුන්ට භය නොවෙල්ලා.”—ගණන් කථාව 14:7-9.
6 කෙසේ වුවද, එම ඉශ්‍රායෙල්වරු මනුෂ්‍යයන් කෙරෙහි වූ භයෙන් වසඟ වූහ. මෙහි ප්‍රතිඵලයක් වශයෙන් ඔවුන්ට පොරොන්දු දේශයට ඇතුල්වීමට නොහැකි විය. එහෙත් යෝෂුවා හා කාලෙබ්, ඊශ්‍රායෙල්වරුන්ගේ අලුත් පරම්පරාවක් සමඟ එම තෝරා ගත් දේශයට ඇතුල්වීමටත්, එහි මිදිවැල් හා ඔලිව ගස් වැවීමටත් වරප්‍රසාද ලැබූහ. රැස් ව සිටි ඉශ්‍රායෙල් ජනයාට සිය සමුගැනීමේ කථාවෙහි, යෝෂුවා මෙසේ අවවාද කළේ ය: “ස්වාමීන්වහන්සේට [යෙහෝවඃ වහන්සේට NW] භයව අවංකකමිනුත් සැබෑකමිනුත් උන්වහන්සේට සේවයකරපල්ලා.” යෝෂුවා වැඩිදුරටත් මෙසේ ද කීය: “අපි නම්—මමද මාගේ පවුලද—ස්වාමීන්වහන්සේට [යෙහෝවඃ වහන්සේට NW] සේවයකරමු.” (යෝෂුවා 24:14, 15) දෙවියන් වහන්සේගේ ධර්මිෂ්ඨ නව ලෝකයට ඇතුල්වීමට අප සූදානම් වෙත් ම, පවුල් ප්‍රධානීන්ට හා අන් සියල්ලන්ට යෙහෝවඃ වහන්සේට භය වීමට කොතරම් දිරිගන්වන සුලු වදන් ද!
7. දෙවියන් වහන්සේ කෙරෙහි භය වීමේ වැදගත්කම දාවිත් අවධාරණය කළේ කෙසේ ද?
7 එඬේර කොලුවෙක් වූ දාවිත් පවා දෙවියන් වහන්සේගේ නාමයෙන් ගොලියත්ට අභියෝග කළ විට, යෙහෝවඃ වහන්සේ කෙරෙහි ආදර්ශවත් භයක් විදහා පෙන්වී ය. (1 සාමුවෙල් 17:45, 47) සිය මරණ යහනෙහි දාවිත්ට මෙසේ ප්‍රකාශ කළ හැකි විය: “සමිඳුන්ගේ [යෙහෝවඃ වහන්සේගේ NW] ආත්මය මා මඟින් කතා කරන්නේ ය. එතුමන්ගේ වචනය මාගේ දිවේ තිබුණේ ය. ඉශ්රායෙල්වරුන්ගේ දෙවිඳාණෝ කතා කළ සේක. ඉශ්රායෙල්වරුන්ගේ පර්වතයාණෝ මට මෙසේ වදාළ සේක: මිනිසුන් යුක්තියෙන් [ධර්මිෂ්ඨකමින් NW] පාලනය කරන, දේව ගරු බිය ඇති ව ආණ්ඩු කරන තැනැත්තේ වූකලී, වැස්සෙන් පසු, වලාකුළු නැති උදයක දී, . . . අලුයම හිරු උදා වන කල ඇති එළිය වැනි ය.” (2 සාමුවෙල් 23:2-4, න. අ.) මෙම දේව භය මේ ලෝකයේ පාලකයන් අතර විශේෂයෙන් දක්නට නොලැබෙන අතර මෙහිවිපාකය කොතරම් ඛේදජනක ද! “දාවිත්ගේ පුත්‍රයා” වන, යේසුස් වහන්සේ යෙහෝවඃ වහන්සේ කෙරෙහි භය ඇති ව පොළොව පාලනය කරන කල, එය කොතරම් වෙනස් වනු ඇත් ද!—මතෙව් 21:9.
යෙහෝවඃ වහන්සේ කෙරෙහි භය ඇති ව ක්‍රියා කිරීම
8. යුදා යෙහෝෂාපාට් යටතේ සඵල වූයේ මක්නිසා ද, මෙය අද දිනට කුමක් අඟවයි ද?
8 දාවිත්ගේ මරණයෙන් වසර සියයකට පමණ පසු, යෙහෝෂාපාට් යුදා හි රජ බවට පත් විය. නැවතත් යෙහෝවඃ වහන්සේ කෙරෙහි භය ඇති ව සේවය කළ රජ කෙනෙකි. මොහු යුදා හි දිව්‍යාණ්ඩු ක්‍රමය නැවත ඇතිකර, දේශය පුරා විනිශ්චයකරුවන් පිහිටුවා, මොවුන්ට මෙම උපදෙස් දුන්නේ ය: “නුඹලා විනිශ්චයකරන්නේ මනුෂ්‍යයා උදෙසා නොව ස්වාමීන්වහන්සේ [යෙහෝවඃ වහන්සේ NW] උදෙසාය; විනිශ්චයේදී උන්වහන්සේ නුඹලා සමග වන සේක. එබැවින් ස්වාමීන්වහන්සේ [යෙහෝවඃ වහන්සේ NW] කෙරෙහි භය ඇතුව ප්‍රවේසමින් ක්‍රියාකරපල්ලා; මක්නිසාද අපේ දෙවිවූ ස්වාමීන්වහන්සේ [යෙහෝවඃ වහන්සේ NW] වෙත අයුක්තියක්වත් මනුෂ්‍යයන්ගේ තරාතිරම් බැලීමක්වත් අල්ලස් ගැනීමක්වත් නැත . . . ස්වාමීන්වහන්සේ [යෙහෝවඃ වහන්සේ NW] කෙරෙහි භය ඇතුව විශ්වාසකමින්ද [ඇදහිලිවන්තකමින් ද NW] සම්පූර්ණ සිතින්ද [හෘදයකින් ද NW] මෙසේ කරපල්ලා.” (2 ලේකම් 19:6-9) මෙසේ, දෙවියන් වහන්සේගේ ජනයා අද දින සිටින දයානුකම්පිත අවේක්ෂකයන්ගේ සේවයෙන් ප්‍රයෝජන ලබන්නා සේ, යුදා යෙහෝවඃ වහන්සේ කෙරෙහි භයෙන් සඵල විය.
9, 10. යෙහෝෂාපාට් යෙහෝවඃ වහන්සේ කෙරෙහි භය වීම තුළින් විජයග්‍රහණයක් ලැබුවේ කෙසේ ද?
9 කෙසේ වෙතත්, යුදාවට සතුරෝ සිටියෝ ය. මොවුහු දෙවියන් වහන්සේගේ ජාතිය නැති කර දැමීමට නිශ්චය කර ගත්හ. අම්මොන්වරුන්ගේ, මොවබ්වරුන්ගේ, හා සෙයිර් කඳුකරයේ වැසියන්ගේ ඒකාබද්ධ සේනාවන් යුදෙව් දේශ සීමාවන් තුළට සාමූහික ව ඇතුල් වී යෙරුසලමට තර්ජනය කළේ ය. එය බලගතු හමුදාවක් විය. “යුදා තමුන්ගේ අතදරුවන්ද භාර්ය්‍යාවන්ද දරුවන්ද සමග ස්වාමීන්වහන්සේ [යෙහෝවඃ වහන්සේ NW] ඉදිරියෙහි සිටි” අතර යෙහෝෂාපාට් යෙහෝවඃ වහන්සේ වෙත යාච්ඤාවෙන් හැරුණේ ය. අනතුරුව, එම යාච්ඤාවට පිළිතුරු වශයෙන්, යෙහෝවඃ වහන්සේගේ ආත්මය ලෙවීවරයෙකු වූ යහසීයෙල් කෙරෙහි පහළ වූ අතර, ඔහු කථා කරමින් මෙසේ පැවසී ය: “මේ මහත් සමූහය නිසා භයනොවෙල්ලා, නොකැලඹෙල්ලා; මක්නිසාද මේ යුත්ටධය නුඹලාගේ නොව දෙවියන්වහන්සේගේය. හෙට ඔවුන්ට විරුත්ටධව පලයල්ලා. . . . යුදාවරුනි, යෙරුසලමේ වැසියෙනි, මේ යුත්ටධයේදී නුඹලා සටන්කරන්ට ඕනෑ නැත. සැරසී නිශ්චලව සිට ස්වාමීන්වහන්සේ [යෙහෝවඃ වහන්සේ NW] නුඹලාට දෙන ගැළවීම බලාසිටපල්ලා. ස්වාමීන්වහන්සේ [යෙහෝවඃ වහන්සේ NW] නුඹලා සමග සිටින නිසා භයනොවී, නොකැලඹී, හෙට ඔවුන් වෙතට පිටත්ව පලයල්ලා.”—2 ලේකම් 20:5-17.
10 පසු දා උදෑසන, යුදා සෙනඟ අලුයම පිබිදුණාහ. ඔවුන් කීකරු ව සතුරා මුණ ගැසෙන්නට යත් ම, යෙහෝෂාපාට් නැගිට සිට මෙසේ පැවසී ය: “යුදාවරුනි, යෙරුසලමේ වැසියෙනි, මාගේ වචන අසාපල්ලා; නුඹලාගේ දෙවිවූ ස්වාමීන්වහන්සේ [යෙහෝවඃ වහන්සේ NW] කෙරෙහි විශ්වාසය [ඇදහිල්ල NW] තබාපල්ලා, එවිට නුඹලා ස්ථිරවන්නහුය; උන්වහන්සේගේ ප්‍රොපේතරුවන් විශ්වාස කරපල්ලා, එවිට නුඹලා සඵලවන්නහුය.” අවියෙන් සන්නාහ සන්නද්ධ වූ මිනිසුනට ඉදිරියෙන් ගමන් කළ යෙහෝවඃ වහන්සේට ගායනා කරන්නෝ, “ස්වාමීන්වහන්සේට [යෙහෝවඃ වහන්සේට NW] ස්තුති කරපල්ලා, මක්නිසාද උන්වහන්සේගේ [ප්‍රේමනීය NW] කරුණාව සදාකල්ම පවත්නේය” යයි එක් හඬින් ගායනා කළෝ ය. තමන් එකිනෙකා සමූලඝාතනය කර ගන්නා ආකාරයේ ව්‍යාකූලත්වයකට සතුරු හමුදාවන් පත් කරමින්, යෙහෝවඃ වහන්සේ එම ප්‍රේමනීය කරුණාව ප්‍රකාශ කළ සේක. යුදාවරු කාන්තාරයේ මුරකොටුවට පැමිණ බැලූ විට, ඉතිරි ව තිබුණේ සතුරන්ගේ මළ කඳන් පමණි.—2 ලේකම් 20:20-24.
11. භය සම්බන්ධයෙන් ගත් කල, ජාතීන් දෙවියන් වහන්සේගේ ජනයාගෙන් වෙනස් වනුයේ කෙසේ ද?
11 අසල් වැසි ජාතීන් මෙම ආශ්චර්යවත් ගැලවීම ගැන ඇසූ කල, “දෙවියන් වහන්සේ ගැන භීතිය” ඔවුන් කෙරෙහි විය. අනෙක් අතට, යෙහෝවඃ වහන්සේ කෙරෙහි භයින් කීකරු වූ ජාතියට දැන් ‘සැම තැන ම නිසංසල භාවය තිබිණ.’ (2 ලේකම් 20:29, 30, NW) මීට සමාන ව, යෙහෝවඃ වහන්සේ අර්මගෙදොනයේ දී විනිශ්චය ඉෂ්ට කරන කල, ජාතීන් දෙවියන් වහන්සේ ගැනත්, විනිශ්චය ක්‍රියාත්මක කරන ස්වකීය පුත්, යේසුස් ක්‍රිස්තුස් වහන්සේ ගැනත් භය වනු ඇති අතර, ඔවුන්ට දිව්‍ය උදහසේ මහත් දවසේ දී සීරුවෙන් සිටින්නට නුපුළුවන් වනු ඇත.—එළිදරව් 6:15-17.
12. යෙහෝවඃ වහන්සේ කෙරෙහි වූ භයට මුල් කාලවල විපාක ලැබී ඇත්තේ කෙසේ ද?
12 යෙහෝවඃ වහන්සේ කෙරෙහි වූ යහපත් භය මහත් විපාක ගෙන දෙයි. නෝවා “දේවභයින් පෙලඹී, තමාගේ පවුල ගැළවීමට නැවක් සෑදුවේය.” (හෙබ්‍රෙව් 11:7) තව ද පළමු ශතවර්ෂයේ ක්‍රිස්තියානින් සම්බන්ධයෙන් ගත් කල, පීඩාකාරි කාල පරිච්ඡේදයෙන් පසු, සභාව “දියුණුවී, සමාදානය ලැබ, ස්වාමීන්වහන්සේ [යෙහෝවඃ වහන්සේ NW] කෙරෙහි භය ඇතුව හැසිරෙමින්, ශුද්ධාත්මයාණන්ගේ [ශුද්ධාත්මයේ NW] පිහිටවීමෙන් වර්ධනයවූ” බව වාර්තා වේ. එය අද දින නැගෙනහිර යුරෝපයේ වැඩි වශයෙන් සිදු වෙමින් තිබෙන්නාක් මෙනි.—ක්‍රියා 9:31.
යහපතට ප්‍රේම කර, නපුරට ද්වේෂ කරන්න
13. අපට යෙහෝවඃ වහන්සේගේ ආශීර්වාදයන් අත් දැකිය හැක්කේ කෙසේ පමණක් ද?
13 යෙහෝවඃ වහන්සේ මුළුමනින් ම යහපත් ය. එබැවින්, “ස්වාමීන්වහන්සේ [යෙහෝවඃ වහන්සේ NW] කෙරෙහි භයවීම නම් නපුරට තේටව්ෂකිරීමය.” (හිතෝපදේශ 8:13) යේසුස් වහන්සේ සම්බන්ධයෙන් මෙසේ ලියැවී ඇත: “ඔබ ධර්මිෂ්ඨකමට ප්‍රියව අධර්මිෂ්ඨකමට [නොපනත්කමට NW] තේටව්ෂකළසේක; එබැවින් දෙවියන්වහන්සේ, ඔබගේ දෙවියන්වහන්සේ, . . . ප්‍රීතිය නමැති තෛලයෙන් ඔබ ආලේපකළසේක.” (හෙබ්‍රෙව් 1:9) අපත්, යේසුස් වහන්සේ මෙන්, යෙහෝවඃ වහන්සේගේ ආශීර්වාදයනට ආශා වන්නේ නම්, අප සාතන්ගේ අහංකාර ලෝකයේ නපුරු ස්වභාවය, දුරාචාරය, සැහැසිකම, හා ගිජුකම අතිශයින් ම පිළිකුල් කළ යුතු ය. (හිතෝපදේශ 6:16-19 සසඳන්න.) අප යෙහෝවඃ වහන්සේ ප්‍රේම කරන දෙයට ප්‍රේම කර, උන් වහන්සේ ද්වේෂ කරන දෙයට ද්වේෂ කළ යුතු ය. යෙහෝවඃ වහන්සේ ව අප්‍රසන්න කරන්නා වූ ඕනෑ ම දෙයක් කිරීමට අප භය විය යුතු ය. “ස්වාමීන්වහන්සේ [යෙහෝවඃ වහන්සේ NW] කෙරෙහි භයවීමෙන් මනුෂ්‍යයෝ [යමෙක් NW] නපුරෙන් දුරුවෙති.”—හිතෝපදේශ 16:6.
14. යේසුස් වහන්සේ අපට ආදර්ශයක් සපයනුයේ කෙසේ ද?
14 අප ඉතා සමීප ව යේසුස් වහන්සේගේ මාර්ගය අනුගමනය කරනු වස් උන් වහන්සේ අපට ආදර්ශයක් තබා ගිය සේක. “උන්වහන්සේ නින්දාකරනු ලැබූ කල නින්දා නොකළ සේක; වධවින්ද කල තර්ජන නොකර, ධර්මිෂ්ඨලෙස විනිශ්චකරන තැනන්වහන්සේට කාරණය භාරදුන්සේක.” (1 පේතෘස් 2:21-23) යෙහෝවඃ වහන්සේ කෙරෙහි භය තුළින්, අපටත් සාතන්ගේ ලෝකය අප මත ගොඩ ගසන්නා වූ දෝෂාරෝපණයන්, සමච්චල් කිරීම්, පීඩාවන් විඳදරා ගත හැකි ය.
15. ශරීරය ඝාතනය කළ හැකි අයට වඩා අප යෙහෝවඃ වහන්සේට භය විය යුත්තේ මක්නිසා ද?
15 මතෙව් 10:28 හි යේසුස් වහන්සේ අපට අවවාද කරනුයේ මෙසේ ය: “ශරීරය නසන නුමුත් ආත්මය නසන්ට නුපුළුවන්වූ අයවලුන්ට භය නොවෙල්ලා. එහෙත් ආත්මයද ශරීරයද නිරයෙහි [ගෙහෙන්නාවෙහි NW] විනාශකරන්ට පුළුවන් තැනන්වහන්සේට භයවෙයල්ලා.” යෙහෝවඃ වහන්සේට භය වෙන යමෙක් සතුරා විසින් මරණයට පත් කරනු ලැබූව ද, මරණයේ බලවත් වේදනාව කෙසේ නමුත් මොහොතකට පමණි. (හොෂෙයා 13:14) මරණයෙන් නැවත නැගිටුවනු ලැබීමෙන් පසු: “එම්බා මරණය, තාගේ ජය කොයිද? එම්බා මරණය, තාගේ කටුව කොයිද?” යයි කීමට එම තැනැත්තාට හැකි වනු ඇත.—1 කොරින්ති 15:55.
16. යේසුස් වහන්සේ යෙහෝවඃ වහන්සේ කෙරෙහි වූ භය පෙන්වමින් උන් වහන්සේ ව මහිමවත් කළේ කෙසේ ද?
16 යෙහෝවඃ වහන්සේගේ ධර්මිෂ්ඨකමට ප්‍රේම කරමින් නපුරට ද්වේෂ කරන්නා වූ සියල්ලන් හට යේසුස් වහන්සේ ම කදිම ආදර්ශයක් සපයන සේක. යෙහෝවඃ වහන්සේ කෙරෙහි උන් වහන්සේගේ භය, යොහන් 16:33 හි දැකිය හැකි පරිදි, සිය ගෝලයන්ට වූ උන් වහන්සේගේ මෙම අන්තිම වචනවලින් පිළිබිඹු වේ: “මා තුළ නුඹලාට සමාදානය තිබෙන පිණිස මේ දේවල් නුඹලාට කීවෙමි. ලෝකයෙහි නුඹලාට පීඩා තිබේ. නුමුත් ධෛර්ය්‍යවත් වෙයල්ලා; මම ලෝකයෙන් ජයගතිමි.” යොහන්ගේ වාර්තාව තවදුරටත් මෙසේ පවසයි: “යේසුස්වහන්සේ මේ දේවල් කියා, ස්වර්ගය දෙසට ඇස් ඔසවා කියනසේක්: පියාණෙනි, පැය පැමිණ තිබේ; . . . පුත්‍රයා ඔබ ගෞරවයට පමුණුවන පිණිස ඔබ පුත්‍රයා ගෞරවයට පැමිණෙවුව මැනව. . . . ඔබ ලෝකයෙන් මට දුන් මනුෂ්‍යයන්ට ඔබගේ නාමය ප්‍රකාශකෙළෙමි.”—යොහන් 17:1-6.
යෙහෝවඃ වහන්සේට භය වී උන් වහන්සේට ප්‍රශංසා කරන්න
17. අපට යේසුස් වහන්සේගේ ආදර්ශය අනුකරණය කළ හැක්කේ කිනම් ආකාරයන්ගෙන් ද?
17 අද දින අපට යේසුස් වහන්සේගේ ධෛර්යවත් ආදර්ශය අනුකරණය කළ හැකි ද? යෙහෝවඃ වහන්සේ කෙරෙහි භය තුළින් නිසැක ව ම අපට එසේ කළ හැකි ය! යේසුස් වහන්සේ, යෙහෝවඃ වහන්සේගේ සත්කීර්තිමත් නාමය හා ගුණාංග අපට දන්වා ඇත. අපගේ ස්වාධිපති ස්වාමීන් ලෙස යෙහෝවඃ වහන්සේට භය වීමෙන්, ක්‍රිස්තියානි ලෝකයේ නිර්නාමික වූ, මිථ්‍යා ත්‍රිත්වය ද ඇතුළු ව, අන් සියලු දෙවිවරුන්ට වඩා අපි උන් වහන්සේ ව උත්කර්ෂවත් කරන්නෙමු. යේසුස් වහන්සේ මැරෙන සුලු මනුෂ්‍යයා කෙරෙහි භය වීමේ මලපතට හසු වීම ප්‍රතික්ෂේප කරමින්, යෙහෝවඃ වහන්සේට සනීපදායි භයකින් සේවය කළ සේක. “උන්වහන්සේ මාංසවත්ව සිටි දවස්වලදී තමන්වහන්සේ මරණයෙන් ගළවන්ට පුළුවන්වූ තැනන්වහන්සේට බලවත් හැඬීමෙන් හා කඳුළින් යුක්ත යාච්ඤා සහ කන්නලව් ඔප්පුකර, තමන්ගේ දේව භය නිසා උත්තර” ලැබූ සේක. යේසුස් වහන්සේ මෙන්, අපිත් පීඩා විඳින්නා වූ දේවලින් වැඩිදුරටත් කීකරුකම ඉගෙන ගන්නා කල—නිතර සදාකාල ගැලවීම අපගේ ඉලක්කය ලෙස තබා—යෙහෝවඃ වහන්සේට භය වෙමු.—හෙබ්‍රෙව් 5:7-9.
18. දිව්‍ය භයෙන් යුක්ත ව අප දෙවියන් වහන්සේට පරිශුද්ධ සේවය පිරිනැමිය හැක්කේ කෙසේ ද?
18 ඉන් අනතුරුව, හෙබ්‍රෙව්වරුන්ට ලියූ එම ලිපියේ, පාවුල් ආලේප ලත් ක්‍රිස්තියානින් ව ධෛර්යවත් කරනුයේ මෙසේ ය: “සොලවන්ට බැරි රාජ්‍යයක් ලබන්නාවූ අපි, ගෞරවයෙන්ද දේවභයින්ද දෙවියන්වහන්සේට ප්‍රසන්නවන ලෙස [පරිශුද්ධ NW] සේවයකරන පිණිස, අනුග්‍රහය [ප්‍රේමනීය කරුණාව NW] ඇතුව සිටිමු.” අද දින, “මහත් සමූහය” එම පරිශුද්ධ සේවයේ හවුල් වෙති. එමෙන් ම ඊට අයත් වනුයේ කුමක් ද? ස්වකීය පුත්‍ර, යේසුස් ක්‍රිස්තුස් වහන්සේ ව යාගයක් කොට සැපයීමෙන් යෙහෝවඃ වහන්සේ පෙන්වූ ලබන්ට නොවටිනා කරුණාව සාකච්ඡා කිරීමෙන් පසු, පාවුල් පවසනුයේ මෙසේ ය: “දෙවියන්වහන්සේගේ නාමයට ස්තුතිකරන තොල්වල ඵල වන ප්‍රශංසාව නමැති පූජාව උන්වහන්සේම කරණකොටගෙන නිතරම දෙවියන්වහන්සේට ඔප්පුකරමු.” (හෙබ්‍රෙව් 12:28; 13:12, 15) යෙහෝවඃ වහන්සේගේ කරුණාව අගැයීමක් වශයෙන්, හැකි සෑම පැයක් ම උන් වහන්සේගේ පරිශුද්ධ සේවයට කැප කිරීමට අපට වුවමනා විය යුතු ය. ඉතිරි වී සිටින ආලේප ලත් ක්‍රිස්තියානින්ගේ පක්ෂපාති සහයකයන් වශයෙන්, මහත් සමූහය අද දින එම සේවයේ වැඩි කොටසක් ඉටු කරමින් සිටිත්. මොවුහු “රෑ දාවල් උන්වහන්සේට සේවය” කරමින්, සංකේතවත් ආකාරයකට දෙවියන් වහන්සේගේ සිංහාසනය ඉදිරියේ සිටිත් ම, දෙවියන් වහන්සේටත් ක්‍රිස්තුස් වහන්සේටත් ගැලවීම අයත් යයි කියා සිටිති.—එළිදරව් 7:9, 10, 15.
සදාකාලයට ම යෙහෝවඃ වහන්සේ ව මහිමවත් කරන්න
19, 20. ‘යෙහෝවඃ වහන්සේගේ දවසේ’ කිනම් දෙයාකාර භයක් පෙනෙන්නට තිබෙනු ඇද්ද?
19 යෙහෝවඃ වහන්සේ ව නිදොස් කිරීමේ මහිමවත් දවස වේගයෙන් ළංවෙමින් පවතී! “[බලව! NW] උදුනක් මෙන් ඇවිළෙන දවස පැමිණෙන්නේය; එවිට සියලු උඩඟු අයද දුෂ්ටකම්කරන සියල්ලන්ද ඉපනැලි වී, ඔවුන්ට මුලක්වත් අත්තක්වත් ඉතුරු නොවෙන හැටියට, පැමිණෙන ඒ දවසේදී දාලා යනවා ඇතැයි සේනාවල ස්වාමීන්වහන්සේ [යෙහෝවඃ වහන්සේ NW] කියනසේක.” ඒ මහා විපත්තිදායක අවස්ථාව “ස්වාමීන්වහන්සේගේ [යෙහෝවඃ වහන්සේගේ NW] මහත්වූ භයානකවූ දවස” වන්නේ ය. (මලාකි 4:1, 5) මෙය දුෂ්ටයන්ගේ හෘදයට “භීතිය” දනවනු ඇති අතර මොවුහු “කිසිසේත් නොගැළවෙන්නෝය.”—යෙරෙමියා 8:15; 1 තෙසලෝනික 5:3.
20 කෙසේ වුවද, යෙහෝවඃ වහන්සේගේ ජනයා, ප්‍රබෝධවත් වී සිටින්නේ වෙනස් ආකාරයක භයකිනි. “සදාකාල ශුභාරංචියක්” ඇතුව සිටින දේව දූතයා: “දෙවියන්වහන්සේට භයවී, උන්වහන්සේට ගෞරව දීපල්ලා; මක්නිසාද උන්වහන්සේගේ විනිශ්චයේ පැය පැමිණුණේය” යයි කියන මහත් හඬකින් ඔවුන් ව කැඳවා ඇත. (එළිදරව් 14:6, 7) හර්-මගෙදොන් හි දැවෙන උෂ්ණය සාතන්ගේ ලෝකය දවාලන කල්හි, අපි එම විනිශ්චය පිළිබඳ ගරු සරු ඇති භයකින් සිටින්නෙමු. යෙහෝවඃ වහන්සේ කෙරෙහි වූ යහපත් භය අපගේ හෘදයන්හි නොමැකෙන ලෙස සනිටුහන් කරනු ලබනවා ඇත. එවිට අපටත් ‘යෙහෝවඃ වහන්සේගේ නාමයට යාච්ඤා කර ගලවනු ලැබූවන්’ අතර සිටීමේ අනුග්‍රහය ලැබේවා!—යෝවෙල් 2:31, 32; රෝම 10:13.
21. යෙහෝවඃ වහන්සේ කෙරෙහි භය වීම කිනම් ආශීර්වාදයන්ට මඟ පාදනු ඇද්ද?
21 ඒත් සමඟ ම සදාකාලය දක්වා දිවෙන “දීර්ඝායු” ඇතුළු ව මවිතකර ආශීර්වාද ලැබෙනු ඇත! (හිතෝපදේශ 9:11 න. අ.; ගීතාවලිය 37:9-11, 29) එබැවින්, අපගේ බලාපොරොත්තුව රාජ්‍යයෙහි උරුමක්කාරයන් වීම හෝ එහි පාලනය යටතේ පොළොව මත සේවය කිරීම යන කුමක් වුවත්, අපි දේව භය හා ගරු සරු ඇති භයකින් යුක්ත ව තවදුරටත් දැන් දෙවියන් වහන්සේට පරිශුද්ධ සේවය පිරිනමමු. අපි තවදුරටත් උන් වහන්සේගේ පරිශුද්ධ නාමය මහිමවත් කරමු. එමෙන් ම කිනම් ආශීර්වාද ලත් විපාක සහිත ව ද? සැමවිට ම යෙහෝවඃ වහන්සේට භය වීමට වූ ඥානවන්ත උපදේශය අප හෘදයට ගැනීම වෙනුවෙන් සදාකාලයට ම කෘතඥ පූර්වක වීමයි! w92 1/1
ඔබ පිළිතුරු දෙන්නේ කෙසේ ද?
◻ “යෙහෝවඃ වහන්සේ කෙරෙහි භය” යන්නෙන් අදහස් වන්නේ කුමක් ද?
◻ දෙවියන් වහන්සේ කෙරෙහි භය වීම උන් වහන්සේගේ පුරාතන ජනයා හට ප්‍රයෝජනවත් වූයේ කෙසේ ද?
◻ යේසුස් වහන්සේ අපට තබා ගියේ දේව භය පිළිබඳ කිනම් ආදර්ශයක් ද?
◻ යෙහෝවඃ වහන්සේ කෙරෙහි වූ භයෙන් අපට අඛණ්ඩතාවය පැවැත්විය හැක්කේ කෙසේ ද?
[14වන පිටුවේ පින්තූරය]
එළිදරව් පොතේ, යේසුස් වහන්සේගේ සහෝදරයන් යෙහෝවඃ වහන්සේ ව ප්‍රශංසා කරන්නා වූ ගීතිකාවක් වන “මෝසෙස්ගේ ගීතිකාව” ගායනා කරනු දක්නට ලැබේ
[16වන පිටුවේ පින්තූරය]
යෙහෝෂාපාට්ගේ සේනාව යෙහෝවඃ වහන්සේ කෙරෙහි වූ භයෙන් ජයනාද කරයි
[19වන පිටුවේ පින්තූරය]
සදාකාලය තුළට දිවෙන දීර්ඝායු යෙහෝවඃ වහන්සේට භය වන්නන්ගේ විපාකය වනු නියත ය