වටින වෙන කිසිම දෙයක් නැහැ

දෙවියන්ගේ කිට්ටු මිතුරෙක් වෙන්න ඔබ කරන්න ඕන මොනවාද? අපි මේ දේවල් සලකලා බැලුවා.

1. දෙවියන්ගේ නම දැනගෙන ඒක පාවිච්චි කරන එක.

2. යාච්ඤා කරන එකත් බයිබලය අධ්‍යයනය කරන එකත් මගින් නිතරම ඔහු එක්ක අදහස් හුවමාරු කරගන්න එක.

3. හැම වෙලාවෙම යෙහෝවා දෙවියන්ව සතුටු කරන දේවල් කරන එක.

ඔබ දෙවියන්ගේ කිට්ටු මිතුරෙක් වෙන්න අවශ්‍ය ඒ දේවල් කරනවා කියලා ඔබට කියන්න පුළුවන්ද? එහෙම නැත්නම් දියුණු කරගන්න ඕන පැති තව තියෙනවා කියලා හිතෙනවාද? ඒ වෙනුවෙන් ඔබ දරන වෑයමට ලැබෙන ප්‍රතිඵල හුඟක් වටිනවා.

එක්සත් ජනපදයේ ජෙනිෆ මෙහෙම කිව්වා. “දෙවියන් එක්ක කිට්ටු මිත්‍රත්වයක් ඇති කරගන්න දරන හැම වෑයමක්ම වටිනවා. ඒ බැඳීමෙන් දෙවියන් ගැන තියෙන විශ්වාසය වැඩි වෙනවා. ඔහු මොන වගේ කෙනෙක්ද කියලා හොඳින් තේරුම්ගන්නත් පුළුවන් වෙනවා. ඒ හැම දේටම වඩා ඔහුට තියෙන ආදරය තවත් වැඩි වෙනවා. දෙවියන් එක්ක තියෙන කිට්ටු බැඳීම තරම් වටින වෙන කිසිම දෙයක් නැහැ.”

දෙවියන් එක්ක කිට්ටු මිත්‍රත්වයක් ඇති කරගන්න ඔබ කැමති නම් යෙහෝවා දෙවිගේ සාක්ෂිකරුවන් ඔබට උදව් කරන්න කැමැත්තෙන් ඉන්නවා. ඔවුන් ඔබ එක්ක නොමිලේ බයිබලය පාඩම් කරන්න සැලසුම් යොදයි. ඔවුන්ගේ නමස්කාර මධ්‍යස්ථානයේ තියෙන රැස්වීම්වලටත් එන්න ඔබට පුළුවන්.a ඒ දේවල් කරද්දී ඔබට මේ වගේ හැඟෙයි. “දෙවිට ළං වී සිටීම මට යහපතකි.”—ගීතාවලිය 73:28.