සේවයේ දක්ෂ වීමට දොරකඩ ළඟ ඉඳලා ‘ප්‍රීතිමත් පණිවිඩයක්’ සඟරාවෙන් පාඩමක් පටන්ගන්න
ඒක වැදගත් ඇයි? යේසුස්ගේ ගෝලයන් වෙන්න මිනිස්සුන්ට උදව් කරන්න නම් අපි දෙවිගේ වචනය උගන්වන දක්ෂ ගුරුවරුන් වෙන්න ඕනේ. (මතෙ. 28:19, 20) ‘සැබෑ දෙවියන්ගෙන් ප්‍රීතිමත් පණිවිඩයක්!’ කියන සඟරාවත් සකස් කරලා තියෙන්නේ ඒකට උදව්වක් විදිහට. ඒක පාවිච්චි කරලා නිවැසියෙක්ව හමු වෙන මුල් අවස්ථාවෙදිම දොරකඩ ළඟ ඉඳලා පාඩමක් පටන්ගන්න අපිට පුළුවන්.
මාසය තුළ මෙය අත්හදා බලන්න:
පාඩමක් කරන්න ආසාවක් ඇති කරන්න කියලා යාච්ඤා කරන්න. බයිබල් පාඩමක් පටන්ගන්නත් දක්ෂ ගුරුවරයෙක් වෙන්නත් උදව් කරන්න කියලා දෙවිගෙන් ඉල්ලන්න.—ෆිලි. 2:13.
පවුලේ නමස්කාරයේදී හරි පෞද්ගලික අධ්‍යයනයේදී හරි කොටුවේ ඇති ඉදිරිපත් කිරීම ඔබේම වචනයෙන් කියන විදිහ පෙරහුරු කරන්න. එතකොට දොරකඩ ළඟ ඉඳලා බය නැතුව නිවැසියෙක් එක්ක පාඩමක් කරන්න ඔබට පුළුවන් වෙයි.