“ඔබට කියා දෙන මේ වචන හොඳින් සිතේ තබාගන්න”

දෙමව්පියන් හරියට එඬේරුන් වගේ. ඔවුන් දරුවන් ගැන හොඳ අවධානයකින් ඉන්න ඕනේ. නැත්නම් දරුවන් නොමඟ යයි. (හිතෝ. 27:23) දෙමව්පියන්ට ඒ වගකීම ඉටු කරන්න පුළුවන් කොහොමද? දරුවන්ගේ හිතේ තියෙන දේවල් දැනගන්න දෙමව්පියන් හැම දවසකම ඔවුන් එක්ක කතාබහ කරන්න කාලය වෙන් කරන්න ඕනේ. (හිතෝ. 20:5) දරුවන් දෙවි එක්ක තියෙන බැඳීම ශක්තිමත්ව තියාගන්න නම් ගිනි හා සමාන පීඩාවලට සාර්ථකව මුහුණ දෙන්න ඔවුන්ට උදව් කරන්නත් ඕනේ. (1 කොරි. 3:10-15). “ඔබට කියා දෙන මේ වචන හොඳින් සිතේ තබාගන්න” කියන වීඩියෝ එකෙන් පවුලේ නමස්කාරය නිතිපතා පවත්වන එක අත්‍යවශ්‍යයි කියලා පෙන්වනවා. පවුලක් විදිහට ඒක නරඹලා මේ ප්‍රශ්න සාකච්ඡා කරන්න.

(1) තෝමස් රෝමන්ගේ පවුලේ අය ටිකෙන් ටික දෙවිගෙන් ඈත් වුණේ ඇයි? (2) පවුලේ නමස්කාරය කරන්න තෝමස් රෝමන් මුලින් දැරුව උත්සාහය අසාර්ථක වුණේ ඇයි? (3) සාර්ථකව දරුවන්ව ඇති දැඩි කරන්න උදව් වෙන බයිබල් ප්‍රතිපත්තිය මොකක්ද? (ද්වි. 6:6, 7) (4) පවුලේ අය අතර අදහස් හුවමාරුවට දායක වෙන්නේ මොනවාද? (5) දෙමව්පියන් මොන වගේ පරිත්‍යාගයන් කරයි කියලද දරුවන් බලාපොරොත්තු වෙන්නේ? (6) තෝමස් රෝමන්ගේ පවුලේ අයට සහෝදර මාටින් සහ එයාගේ බිරිඳ හොඳ බලපෑමක් වුණේ කොහොමද? (හිතෝ. 27:17) (7) පවුලේ නමස්කාරය සාර්ථක කරගන්න පවුලේ මූලිකයා කරන්න ඕන මොන වගේ සූදානමක්ද? (8) සහෝදර රෝමන් පවුලේ තත්වය හොඳ අතට හරවගන්න කළේ මොනවාද? (9) පවුලේ නමස්කාරය නොවරදවාම කරන්න ඕන ඇයි? (එෆී. 6:4) (10) පවුලේ නමස්කාරයට ප්‍රයෝජනවත් දේවල් මොනවාද? (11) හරි දේ කරන එකේ වැදගත්කම අගය කරන්න සහෝදර රෝමන් ස්ථිරව ඒත් සන්සුන්ව මාකස්ට උදව් කළේ කොහොමද? (යෙරෙ. 17:9) (12) ජස්ටින් එක්ක රෙබේකා ඇති කරගෙන තිබුණ සම්බන්ධය ගැන හරි තීරණයක් ගන්න රෙබේකාගේ අම්මායි තාත්තායි එයාට උදව් කළේ කොහොමද? (මාක් 12:30; 2 තිමෝ. 2:22) (13) සහෝදර සහ සහෝදරී රෝමන් ජීවිතේ වෙනස්කම් කරද්දී දෙවිව විශ්වාස කරනවා කියලා පෙන්නුවේ කොහොමද? (මතෙ. 6:33) (14) දෙවිට ළං වෙලා ඉන්න පවුලේ අයට උදව් කරන්න පවුලේ මූලිකයාට තියෙන වගකීම ගැන වීඩියෝ එකෙන් පෙන්වලා දෙන්නේ කොහොමද? (1 තිමෝ. 5:8) (15) පවුලේ මූලිකයා හැටියට ඔබේ අධිෂ්ඨානය මොකක්ද?

පවුලේ මූලිකයාට: මේ නවීන දින නාට්‍යය පෙන්නුවේ 2011 තුන්දින සමුළුවේදියි. ඔබේ පවුලේ නමස්කාරය දියුණු කරගන්න ඕන පැති එදා ඔබ දැක්කාද? අද තත්වය මොකක්ද? තවදුරටත් වෙනස්කම් කරන්න තියෙනවා නම් ඔබේ පවුලේ සදාකාල යහපත වෙනුවෙන් යාච්ඤාපූර්වකව ඒ වෙනස්කම් කරන්න.—එෆී. 5:15-17.