බයිබල් තොරතුරුවලට අදාළ ඡායාරූප, පින්තූර, නිහඬ වීඩියෝ, කාටූන් චිත්‍ර මේ කොටසේ තියෙනවා.
බෙත්පාගය, ඔලීව කන්ද, යෙරුසලම
මේ කෙටි වීඩියෝ එකෙන් පෙන්වන්නේ ඔලීව කන්දේ එට්ටූර් නගරයේ ඉඳන් යෙරුසලම දක්වා යන පාරක්. ඒ පාර ඔලීව කන්දේ උසම තැනක් හරහා දිව යනවා. එට්ටූර් කියන්නේ බයිබලයේ බෙත්පාගය විදිහට හඳුන්වලා තියෙන නගරය වෙන්න පුළුවන්. බෙත්පාගයට නැඟෙනහිරින් තියෙන්නේ, ඔලීව කන්දේ නැඟෙනහිර බෑවුමේ පිහිටි බෙතානියයි. යේසුස් ගෝලයන් එක්ක හුඟක් අවස්ථාවලදී බෙතානියේ නවාතැන් ගත්තා. බෙතානිය දැන් හඳුන්වන්නේ “එල්අසාරීය” කියන අරාබි නමින්. ඒකේ තේරුම “ලාසරුස්ගේ නිවස” කියන එකයි. ලාසරුස්ගේ ගෙදර යේසුස් නවාතැන් ගත්තා කියලා නම් සැකයක් නැහැ. (මතෙ 21:17; මාක් 11:11; ලූක් 21:37; යොහ 11:1) යේසුස් එහේ ඉඳන් යෙරුසලමට යන්න ඇත්තේ වීඩියෝ එකෙන් පෙන්වන පාරෙන් වෙන්න ඇති. ක්‍රි.ව. 33 නීසාන් 9වෙනිදා බූරු නාම්බෙක් පිට ඔලීව කන්ද හරහා යෙරුසලමට යන්න ඇත්තෙත් ඒ පාරෙන් වෙන්න ඇති. ඔහු ඒ ගමන පටන්ගන්න ඇත්තේ බෙත්පාගයෙන් වෙන්න පුළුවන්.
බෙතානියේ ඉඳන් බෙත්පාගයට යන පාර
බෙත්පාගය
ඔලීව කන්ද
කිද්‍රොන් නිම්නය
දේවමාලිගාව තිබුණු තැන
විලුඹ අස්ථිය පසාරු කළ ඇණයක්
යෙරුසලමේ කළ කැණීමකදී සෙ.මී. 11.5ක ඇණයක් පසාරු කරගෙන ගිය අස්ථියක් 1968දී හොයාගෙන තියෙනවා. පින්තූරයෙන් පෙන්වලා තියෙන්නේ ඒ අස්ථියේ ආකෘතියක්. ඒ අස්ථිය රෝම අධිරාජ්‍යය පැවතුණු කාලයට අයිති එකක් කියලා හිතන්න පුළුවන්. ඒ කාලයේදී මරණ දඬුවම ලැබුණු අයව ලී කණුවල ඇණ ගහලා තියෙනවා කියලා කියන්න ඒක හොඳ සාක්ෂියක්. රෝම සොල්දාදුවන් යේසුස්ව කණුවක එල්ලපු වෙලෙත් ඒ වගේ ඇණ පාවිච්චි කරන්න ඇති. හොයාගත්ත අස්ථිය තිබිලා තියෙන්නේ මැරුණු අයගේ ඇටකටු තැන්පත් කරන පෙට්ටියක. කණුවක ඇණ ගහලා මරපු අයවත් තැන්පත් කරලා තියෙනවා කියලා ඒකෙන් පැහැදිලි වෙනවා.—මතෙ 27:35.