නරක ආශ්‍රයෙන් ඈත් වෙන්න බයිබල් ශිෂ්‍යයන්ට උදව් කරන්න

යෙහෝවා දෙවියන්ගේ යාළුවෙක් වෙන්න නම් ශිෂ්‍යයෙක් හොඳ යාළුවන්ව තෝරාගන්න ඕනේ. (ගීතා 15:1, 4) හොඳ යාළුවෝ හරි දේ කරන්න ශිෂ්‍යයාට උදව් කරනවා.—හිතෝ 13:20; lff 48 පාඩම.

නරක ආශ්‍රයෙන් ඈත් වෙන්න ශිෂ්‍යයෙක්ට උදව් කරද්දී ආදරෙන් ඒක කරන්න. මොකද කාලයක් තිස්සේ ආශ්‍රය කරපු යාළුවන්ගෙන් ඈත් වෙන එක එයාට ලේසි වෙන එකක් නැහැ. පාඩම කරන දවසේ විතරක් නෙවෙයි අනිත් දවස්වලදීත් ඔයාගේ ආදරේ එයාට දැනෙන්න සලස්වන්න. මෙසේජ් එකකින්, කෝල් එකකින් නැත්නම් එයාව බලන්න යන එකෙන් ඒ දේ කරන්න පුළුවන්. ශිෂ්‍යයා ටිකෙන් ටික දියුණු වෙද්දී සහෝදරයන් එකතු වෙලා සතුටු වෙන අවස්ථාවලට එයාටත් එන්න කියන්න. එතකොට එයාට දැනෙයි එයා තනි වෙලා නැහැ, සභාවෙන් ඕන තරම් යාළුවෝ හොයාගන්න පුළුවන් කියලා. (මාක් 10:29, 30) අපේ සහෝදර පවුලට දවසින් දවස අලුත් අය එකතු වෙනවා දකිද්දී ඔයාටත් ලොකු සතුටක් දැනෙයි!

‘බයිබල් ශිෂ්‍යයන්ට උදව් කරන්න - නරක ආශ්‍රයෙන් ඈත් වෙන්න’ කියන වීඩියෝ එක බලලා මේ ප්‍රශ්නවලට උත්තර දෙන්න.

• නරක ආශ්‍රය කියන්නේ මොකක්ද?—1කොරි 15:33

• සුහද ඇසුර කොහොම තියෙයි කියලාද ලිලී හිතුවේ?

• නරක ආශ්‍රයෙන් ඈත් වෙන්න නීටා ලිලීට උදව් කළේ කොහොමද?