යහපත් ක්‍රිස්තියානීන් වෙමු
සැප්තැම්බර් මාසේදී පාඩම් පටන්ගන්න විශේෂ ව්‍යාපෘතියක්!
සැප්තැම්බර් මාසේදී ‘හැමදාටම සතුටින් ජීවත් වෙන්න!’ සඟරාව පාවිච්චි කරලා බයිබල් පාඩම් පටන්ගන්න අපි විශේෂ වෑයමක් දරනවා. ඒ මාසේදී පැය 30ක් කරලා වුණත් සහායක පුරෝගාමි සේවය කරන්න ප්‍රචාරකයන්ට පුළුවන්. මේ වැඩේට හවුල් වෙන්න අපිට මොනවාද කරන්න පුළුවන්?
මුල් හමු වීමේදී: සඟරාවේ අන්තිම පිටුව පාවිච්චි කරලා කෙනෙක්ගේ උනන්දුව ඇති කරන්න. ඊටපස්සේ පාඩමක් කරන විදිහ එයාට පෙන්නන්න. ඒ වගේම කලින් උනන්දුවක් දක්වපු අයව සහ ඔයාගේ නැවත බැලීම් අමතක කරන්න එපා. කලින් පාඩමක් කරන්න එයාලා කැමති වුණේ නැතත් මේ සඟරාවෙන්, අලුත් විදිහට පාඩමක් කරන්න එයාලා කැමති වෙන්න පුළුවන්. මේ සඟරාව කවුරුත් නැති ගෙවල්වල තියලා එන්නවත් උනන්දුවක් පෙන්නපු නැති අයට තැපැල් කරන්නවත් එපා. ඔයාගේ සභාවේ සේවා කමිටුව ඒ මාසේදී සේවය කරන්න වැඩිපුර දවස් සැලසුම් කරයි.
තවත් අවස්ථා: ඔයාලා ජංගම පුවරු තියලා සේවය කරනවා නම් ‘හැමදාටම සතුටින් ජීවත් වෙන්න!’ සඟරාව ප්‍රදර්ශනය කරන්න. සඟරාවක් ගන්න අයට කියන්න එයාලා කැමති නම් ඒකෙන් බයිබල් සාකච්ඡාවක් කරන්න පුළුවන් කියලා. ඊටපස්සේ එතන ඉඳලාම පාඩමක් කරන විදිහ පෙන්නන්න නැත්නම් ඒකට වෙන වෙලාවක් දාගන්න. ඔයාට කරන්න පුළුවන් තව දෙයක් තමයි වැඩපොළේ අය වගේම අවිධිමත් විදිහට සාක්ෂි දරද්දී හම්බ වෙන අය එක්ක පාඩමක් කරන්න සැලසුම් කරන එක. සේවා සංවිධායකට පුළුවන් ප්‍රදේශයේ ඉන්න ව්‍යාපාරිකයන් එක්ක පාඩමක් කරන්න සුදුසුකම් තියෙන ප්‍රචාරකයන්ව පාවිච්චි කරන්න.
යේසුස් අණ කළේ ඔහුගේ “ගෝලයන් වෙන්න” මිනිස්සුන්ට “උගන්වන්න” කියලයි. (මතෙ 28:19, 20) ‘හැමදාටම සතුටින් ජීවත් වෙන්න!’ සඟරාව පාවිච්චි කරලා ඒ අණ ඉටු කරන්න අපි සැප්තැම්බර් මාසේදී මහන්සි වෙමු.