ඔයාලා වෛද්ය ප්රතිකාර ගන්නවද?
ඔව්, යෙහෝවා දෙවිගේ සාක්ෂිකරුවන් වෛද්ය ප්රතිකාර ගන්නවා. අපි නිරෝගීව ඉන්න උත්සාහ කළත් සමහර වෙලාවට අසනීප වෙන නිසා වෛද්ය ප්රතිකාර ගන්න අපිට සිද්ධ වෙනවා. (ලූක් 5:31) පළමුවෙනි සියවසේ හිටපු යේසුස්ගේ නියෝජිතයෙක් වුණු ලූක් වගේ අද ඉන්න සමහර යෙහෝවා දෙවිගේ සාක්ෂිකරුවනුත් වෘත්තියෙන් වෛද්යවරු.—කොලොස්සි 4:14.
වෛද්යවරු නිර්දේශ කරන සමහර ප්රතිකාර බයිබලේ තියෙන ප්රතිපත්තිවලට පටහැනි නම් අපි ඒවා පිළිගන්නේ නැහැ. උදාහරණයකට රුධිරයෙන් වළකින්න කියලා බයිබලේ සඳහන් වෙන නිසා අපි රුධිරය ලබාගන්නේ නැහැ. (ක්රියා 15:20) ඒ වගේම භූතවාදයට සම්බන්ධ හැම දෙයක්ම බයිබලේ හෙළාදැකලා තියෙන නිසා ලෙඩේ හොයාගන්න එහෙමත් නැත්නම් බෙහෙත් පිළියෙල කරන්න හෝ ප්රතිකාර කරන්න අද්භූත දේවල් කරනවා නම් අපි ඒවා පිළිගන්නෙත් නැහැ.—ගලාති 5:19-21.
හැබැයි හුඟක් වෛද්ය ප්රතිකාර බයිබලේ තියෙන ප්රතිපත්තිවලට පටහැනි නැති නිසා ඒ අතරින් කැමති ප්රතිකාරයක් තෝරගන්න කෙනෙකුට නිදහස තියෙනවා. ඒක කෙනෙක්ගේ කැමැත්ත අකමැත්ත අනුව ගන්න තීරණයක්. ඒ නිසා යම් බෙහෙතක් නැත්නම් ප්රතිකාරයක් ලබාගන්න, එක සාක්ෂිකරුවෙක් කැමති වුණත් තවත් සාක්ෂිකරුවෙක් අකමැති වෙන්න පුළුවන්.—ගලාති 6:5.