KIRISTAANU HEESHSHORA
Kaaꞌlaancho Suwisaancho Mamoote Ikka Dandeemmo?
Hiziqeeli qullaawu mini daafira laino ajuuja, Yihowa manni uminsa fajjonni kakkalo shiqishannota leellishshanno. Mittu mittunku Yihowara galatu kakkalo shiqisha dandiineemmohu hiittoonniiti?—Ib 13:15, 16.
Tenne assa dandiineemmoti kaajja doogo, kaaꞌlaancho suwisaancho ikke soqqamate. Daannohu 2018nihu soqqanshote dirira, onte Qidaamenna ontu Sambati nooti haammata aganna no. Tini roorenkanni woꞌma yanna uminsa looso loosidhannoriranna duucha wote soqqansho Qidaamenna Sambata fultannorira baasa kaaꞌlitannonsa. Qoleno, halashshanno Badheessunna Dotteessu aganira, hattono woradu aliidi laꞌꞌaanchi songonsa towaatanno aganira 30 woy 50 saate soqqama dandiitanno.
Kaaꞌlaano suwisaano ikkine soqqama dandaa hoongummorona? Soqqanshonke isilanchimma woyyeessiꞌranna albinni roore soqqamate woꞌnaala dandiineemmo. Heeꞌnoommo gari ikkihano ikkiro, Yihowara noonke baxilli 2018nihu soqqanshote dirira isira soqqamate dandiinummore baala assineemmo gede kakkayisannonke!—Ho 14:2.
Diinaggaawe soqqamate Sabiina Hernaadezi lawishsha harunsa dandeemmohu hiittoonniiti?
YIHOWA KAAꞌLONNI BAALANKARE ASSA DANDEEMMA YITANNO VIIDIYO LAꞌINI GEDENSAANNI, AANTE NOO XAꞌMUWA HASAABBE:
Sabiina Yihowara roore soqqamate kaꞌanno gede assinoseri maati?
Sabiina lawishshi jawaachishinohehu hiittoonniiti?
Daannohu 2018nihu soqqanshote dirira, kaaꞌlaancho suwisaancho ikkite soqqama dandaattohu hiitte agannaraati?