Lawishsha Ikkannoha Hasaawu Bitima

Agarooshshu Shae Sadaasa 1

“Techo qachinke manni ledo batinyu manni Qullaawu Maxaafi daafira noonsata gara ikkitinokki laore kayinse hasaambanni heeꞌnoommo. Lowo manni Qullaawa Maxaafa ayirrisannoha ikkirono huwatate kayinni qarrisanno yee hedano. Atera maa lawannohe?” [Dawaro qola geeshsha agari.] Qullaawu Maxaafi yaannore huwata hasiissannonkehu mayiraatiro leellishannoha mitto korkaata lai. [Roomu Sokka 15:4 nabbawi.] Tini metseete Qullaawa Maxaafa borreessinoonnihu huwatate qarrisannokki garinniiti yineemmohu mayiraatiro xawissanno. Qoleno Qullaawa Maxaafa huwatate kaaꞌlitanno hedo amaddino.”

Baqqi Yiiyye! Sadaasa

“Techo mannaho maatensara kaaꞌlannore kullanni heeꞌnoommo. Baalunku manni mini giddo salaametenni sumuu yee heeꞌra hasiꞌranno. Ati maatete roore kaaꞌlitannoti maatete giddo gibbo kalaqantannokki gede assate woꞌnaalatenso kalaqantanno gibbo tirranni gara seekkine afate yaatto? [Dawaro qola geeshsha agari.] Hanni Qullaawu Maxaafi mayyaannoro laꞌno. [Lawishsha 26:20 nabbawi.] Tini metseete maate mininsa giddo roore salaame heedhanno gede assiꞌrate kaaꞌlitannota Qullaawu Maxaafi amaale kultanno.”